Matius 20:11 - Kaili Ledo

¹¹ Naupu ira nantarima gajira, nongaumo ira ka tupu ntalua ivei:

Matius 20:11 ပူးပေါင်းရင်းမြစ်များ

Matius 20:10

Ivesiamo sampe nakava nte topokarajaa anu nokarajaa lako ri mpadondona. Nisarumakara ira rabayari melabipa pade tona dako nesua nokarajaa nggoviana, tano gaji nidekei ka ira nasimbayu ante tona ntanina haitu, aga simbo sampeka doi salaka.

Matius 20:12

‘Topokarajaa anu nakava nggoviana aga sajaa nokarajaa. Kami hii nokarajaa ntamo njumaeo ri kapane nu eo, tapi komiu nombadekei ka ira gaji nasimbayu ante kami!’

Markus 14:5

Lana haitu mamala rapobalu ante alina melabi taluatu doi salaka bo doi haitu namala radekei ka tona napakasi.>> Jadi nipokarauramo mombine haitu.

Lukas 15:2

Nanggita haitu, toFarisi bo guru agama nongau. “Hm! Ledo nabelo tona hitu! Ia nosimporoa ante tona nadaa bo nangande singgani nte ira!”

Lukas 19:7

Tapi pura-pura tona nanggita i Yesus hau ri banua i Zakheus, nongua-ngua. “Hm, ledo nabelo i Yesus nesai ri banua ntodosa!”

Lukas 5:30

Naria bara sako-ndua toFarisi ante guru agamara. Ledo nadamba rarara nanggita i Yesus hau ri posusa. Niulikara topangoseaka i Yesus, “Nakuya komiu nangande bo nanginu nosanggani-nggani ante topesingara balasitee bo tona nadosa?”

Yohanes 6:41

Nangepe tesa haitu nongutu-ngutumo toYahudi ri sia, sabana i Yesus nanguli, “Yakumo hii kandea anu nanau lako ri suruga.”

Yohanes 6:61

Nisani i Yesusmo topangoseaka Ia nongutu-ngutu ivesia, jadi niulikaNa ira, “Noura raramiu mangepe pepatudukiKu pangane?

Suro-Suro 13:45

Nanggita todea haitu, nasiriati mpuumo rara nu pakeni ntoYahudi. Nisalaira i Paulus, bo nievara pura-pura anu niulina.

1 Tesalonika 2:16

Niuliku ivesia sabana toYahudi haitu nasaro nombalava kami. Kami madota mompatolele Kareba Belo ka tona ledo toYahudi ala rasanira ira mamala rapakasalama. Tapi toYahudi pangane nombalava kami bo ivesiamo aga nantambai dosara sampe nadea gagamo. Bo sii-sii ira mambela pehuku nu Alatala.

Yudas 1:16

Guru-guru mpodava gahaitu batena nongau bo nompakasala tona ntanina. Ira natuvu nangoseaka dota rarara nadaa. Ira nangoe nompakalanga karora mboto bo notesa namomi ala raoseaka ntona dotara.