Matius 19:28 - Kaili Ledo

²⁸ Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Matius 19:28 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 19:27

Bo nanguli i Petrus, “Peintamo, Pue! Kami nompalaisi pura-pura anu kami bo nangoseaka Komiu. Nuapa rakava kami bara maipia?”

Matius 20:21

Nekutana i Yesus, “Ina, nuapa nipodotamu?” Nesana totua mombine haitu, “Yaku madota ala anaku randua hitu monturo ri sinjoriMiu tempo Komiu momparenta eva Magau, saito ri sabingga njidiMiu bo saito ri sabingga ngganaMiu.”

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Matius 6:33

Jadi pasimbuku ntanimo ruru ala Alatala momparenta riara katuvumiu bo oseakamo dotaNa, bo pura-pura ntanina haitu radekeiNa muni ka komiu.

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Markus 10:37

Nesanamo ira, <>

Suro-Suro 3:21

I Yesus kana monturo ri suruga sampe makava tempona Alatala mompakabaru pura-pura, evamo nitesaNa ka nabi-nabi nipelisiNa nggaulu.

2 Timotius 2:12

Ane kita nombatidamaka riara kasusata, Kita momparenta mosanggani-nggani ante Ia bara maipia. Ane kita mombasapu Ia Ia muni mombasapu kita.

2 Petrus 3:13

Tapi kita mompopea anu nijanji nu Alatala, haitumo langi nabaru bo tana nabaru, raponturo ntona nanoa.

Pompakita 11:16

Bo ropulu bo ampa totua anu nonturo ri gaderara ri ngayo nu Alatala nantaputu sanggani sampe ri tana mombasomba Alatala.

Pompakita 12:1

Naliu haitu, neumbamo tanda ri langi anu mpuu-mpuu nipokumaaka. Naria saito mombine nopakea mata nu eo. Ia neangga ri bavo nu bula, bo ri balenggana naria songgo nipovia lako ri sapulu randua betue.

Pompakita 20:4

Naupu haitu nikitaku bara sako-angu gadera kamagaua. Bo tona nonturo ri gadera haitu nidekeika kuasa mombatangara. Bo nikitaku muni nyawa-nyawa ntona namate nitampa balenggara sabana ira batena nompatolele pepatuduki nakana anu nipopaisani i Yesus, bo batena nompatolele Tesa nu Alatala. Ira ledo muni nombasomba binata nadaa bo pinoitona, bo ira ledo muni nantarima mere binata haitu ri kirera bara ri palera. Ira gahaitu natuvu mpanjili bo nomparenta mpo magau nosanggani-nggani ante i Kristus sanjobu mpae kasaena.

Pompakita 21:5

Naupu haitu nangulimo Toponturo ri Gadera Kamagaua, “Pariaramo! Sii-sii Yaku nompakabaru pura-pura anu naria.” Bo niuliNa munimo ka yaku, “Tulisimo anu Kutesa, sabana tesa hitu mpuu-mpuu nakana bo namala raparasaya.”

Pompakita 22:2

bo noili ri tatanga dala ngata haitu. Ri tinggi binangga ntimali-mali naria kayu-kayu niuli “Kayu Katuvua”. Kayu haitu novua sapulu ronggani sampae, sambula sanggani novua. Bo tava kayu haitu nipopakuli mompakabelo tona ri njumangu dunia.

Pompakita 22:5

Domo maria bongina. Tupu ngata haitu domo paraluu poindo bara reme nu eo mombavanta ira, sabana reme lako nte Alatala mbotomo mombavanta ira. Bo ira momparenta mpo magau sampe ri kasae-saena.

Pompakita 3:21

Isema-sema padagi, ia Kupaloga monturo moparenta mosanggani nte Yaku ri Gadera KamagauaKu, nasimbayu mpo Yaku muni najadi padagi bo sii-sii nonturo bo noparenta nosanggani-nggani nte TuamaKu ri GaderaNa.

Pompakita 4:4

Bo naria muni ropulu bo ampa gadera ntanina nantiku Gadera pangane. Gadera ntanina haitu niponturo ntotua ropulu bo ampa. Ira nopakea mputi bo nosonggo bulava.

Pompakita 7:4

Bo niepeku kadea ntona nimere kirera, saatu patapulu bo pata-njobu. Ira lako ri muli sapulu randua ana i Yakub anu niuli toIsrael.