Matius 19:27 - Kaili Ledo

²⁷ Bo nanguli i Petrus, “Peintamo, Pue! Kami nompalaisi pura-pura anu kami bo nangoseaka Komiu. Nuapa rakava kami bara maipia?”

Matius 19:27 ပူးပေါင်းရင်းမြစ်များ

Matius 19:26

I Yesus nangganoto ira bo nanguli, “Ane aga lako ri pompakule manusia, natantu ledo ntoto maria saitoa rapakasalama. Tapi ane lako ri pompakule nu Alatala pura-pura mamala majadi.”

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Matius 9:9

Naupu haitu nalaimo i Yesus lako ri sia. Nolipa-lipamo Ia, nikitaNa saito topesingara balasitee nonturo riara kantoro ntopesingara balasitee. Sangana i Matius. Nanguli i Yesus ka ia, “Kaimo! Oseakamo Yaku!” Nangepe haitu neanggamo i Matius bo hau nangoseaka i Yesus.

Markus 10:28

Jadi nangulimo i Petrus, <>

Markus 2:14

Naupu haitu, tempo i Yesus noliu ri ngata haitu, nikitaNa saito topesingara balasitee nosanga i Lewi, ana i Alfeus, nonturo ri kantoro ntopesingara balasitee. Nanguli i Yesus ka i Lewi, <> Kaliu-liu neangga i Lewi bo hau nangoseaka i Yesus.

Lukas 14:33

Jadi, ivesia muni ante komiu. Dopame komiu majadi topangoseaka Yaku, kana rapekirimiu ntani ruru. Ane ledo masadia komiu mombakabasaka pura-pura anu naria nte komiu, ledo mamala komiu majadi topangoseaka Yaku.”

Lukas 15:29

Tapi nanguli ngana haitu ka tuamana, ‘Nompae-mpaemo yaku nokarajaa mpo batuamiu. Ledo ria sanggani niliunakaku anu niparentamiu kaku. Tapi nau sangu ana ntovau ledo ria nidekeimiu kaku ala yaku madamba-damba ante roaku.

Lukas 18:28

Jadi nanguli i Petrus ka i Yesus, “Peintamo, Pue! Kami nompalaisi pobanua kami bo nangoseaka Komiu.”

Lukas 5:11

Naupu nangepe tesa i Yesus, nikeniramo sakaya randua haitu hau ri kabatana. Pade nipalaisira pura-puramo anura bo hau nioseakara i Yesus.

1 Korintus 1:29

Patuju nu Alatala ala nee maria manusia mangoe ri ngayo nu Alatala, manguli kapandena mboto sampe ia nipelisi nu Alatala.

1 Korintus 4:7

Isema nanguli komiu nelabipa pade tona ntanina? Nuapa naria nte komiu anu ledo nidekei nTupu ka komiu? Jadi nakuya komiu nangoe-ngoe? Nisarumakamiu anu naria nte komiu asele mpoviamiu mboto?

Filipi 3:8

Ledo aga haitu, tapi pura-pura nirekeku ledo ria gunana ane rapoposisala ante anu nelabi kabelona, haitumo nosisani ante Tupuku i Yesus Kristus. Jadi nikabasakakumo pura-pura bo nirekeku mpo rumpu ala yaku mamala mosisani ante i Yesus Kristus