Matius 19:21 - Kaili Ledo

²¹ Nesana i Yesus, “Ane iko mpuu-mpuu madota majadi mabelo bo masipato manggava katuvua nabelo sampe ri kasae-saena, koimo pobalu puramo kakalumanamu bo dekei alina haitu ka tona napakasi ala mukava kakalumana ri suruga. Maupu haitu oseakamo Yaku!”

Matius 19:21 ပူးပေါင်းရင်းမြစ်များ

Matius 16:24

Naupu sia pade niulikaNa ana-anaguruNa, “Isema-sema madota mangoseaka Yaku, ia kana mombakabasaka dotana mboto bo mpuu-mpuu mangoseaka Yaku. Ia kana majadi nasimbayu eva tona nanjimbuaka kayu salibna, haitumo, ia kana masadia rapandasa nau ia rapatesi sabana nangoseaka Yaku.

Matius 19:20

Nanguli kabilasa haitu ka i Yesus, “Parenta-parenta tutu nioseakaku puramo. Nuapapa masipato kupovia?”

Matius 19:22

Nangepe tesa i Yesus, nalaimo kabilasa haitu ante nasusa rarana, sabana nadea mpuu kakalumanana.

Matius 19:28

Nesana i Yesus ka ira, “Pariaramo tesaKu hitu. Yaku, Ana nu Manusia momparenta ante kuasa bara maipia tempo Alatala mompakabaru mpengaya-ngaya. Bo komiu topangoseaka Yaku momparenta mosanggani-nggani nte Yaku bo monturo ri sapulu randua gadera magau bo mombatangara todea Israel, haitumo muli nu sapulu randua ana i Israel.

Matius 4:19

Nanguli i Yesus ka ira, “Kamaimo, oseakamo Yaku, bo Kupatuduki komiu mangelo tona ntanina majadi topangoseaka Yaku.”

Matius 5:48

Jadi komiu kana mokainggu mabelo ante mpuu-mpuu raramiu, nasimbayu eva pokainggu nu Alatala, Tuamata ri suruga.”

Matius 8:22

Tapi nanguli i Yesus ka ia, “Oseakamo Yaku! Palambakamo tona namate mombatana tona namate.”

Matius 9:9

Naupu haitu nalaimo i Yesus lako ri sia. Nolipa-lipamo Ia, nikitaNa saito topesingara balasitee nonturo riara kantoro ntopesingara balasitee. Sangana i Matius. Nanguli i Yesus ka ia, “Kaimo! Oseakamo Yaku!” Nangepe haitu neanggamo i Matius bo hau nangoseaka i Yesus.

Markus 10:21

Naasi mata i Yesus nangganoto tona haitu bo niuliNa, <>

Markus 2:14

Naupu haitu, tempo i Yesus noliu ri ngata haitu, nikitaNa saito topesingara balasitee nosanga i Lewi, ana i Alfeus, nonturo ri kantoro ntopesingara balasitee. Nanguli i Yesus ka i Lewi, <> Kaliu-liu neangga i Lewi bo hau nangoseaka i Yesus.

Markus 8:34

Naliu haitu, nirondeNamo todea bo anaguruNa bo niulikaNa, <

Lukas 12:33

Jadi pobalumo mbara-mbaramiu bo dekeimo alina haitu ka tona napakasi. Poviamo batutu doi anu ledo mamala magero. Batuana, poviamo anu mompakadamba rara nu Alatala. Ivesiamo komiu momboli kakalumana ri suruga, anu ledo maupu-upu bo ledo rapangangga ntona atau rakandesi nu saipa.

Lukas 14:33

Jadi, ivesia muni ante komiu. Dopame komiu majadi topangoseaka Yaku, kana rapekirimiu ntani ruru. Ane ledo masadia komiu mombakabasaka pura-pura anu naria nte komiu, ledo mamala komiu majadi topangoseaka Yaku.”

Lukas 16:9

Kuuli ka komiu, pakemo kakalumana ri dunia hitu mombatulungi tona ntanina, ala tempona kakalumana dunia domo maria gunana, komiu ratarima nu Alatala ri ponturo anu batena sampe ri kasae-saena ri suruga.

Lukas 18:22

Nangepe haitu, nangulimo i Yesus ka ia, “Da naria sangayapa kana mupovia. Pobalu pura-pura kakalumanamu bo dekei alina haitu ka tona napakasi ala mukava kakalumana ri suruga. Maupu sia, oseakamo Yaku!”

Lukas 5:27

Naliu haitu, i Yesus nesuvu lako ri banua bo nikitaNa saito topesingara balasitee nosanga i Lewi, nonturo riara kantoro ntopesingara balasitee. I Yesus nangulika ia, “Oseakamo Yaku!”

Lukas 6:40

Ledo ria ngana sikola naogepa pade guruna. Tapi ane matamamo posikolana, masimbayumo ia nte guruna.

Lukas 9:23

Naupu sia niulikaNa todea ri sia, “Isema-sema madota mangoseaka Yaku, kana rakabasakana dotana mboto. Ia kana manjimbuaka kayu salibna eo-eo. Haitumo, ia kana masadia rapandasa nau sampe rapatesi bo mpuu-mpuu mangoseaka parentaKu.

Yohanes 10:27

Bimba-bimbaKu nantalingai tesaKu bo nisaniKu ira bo nioseakara Yaku.

Yohanes 12:26

Isema-sema mokarajaa ka Yaku kana mangoseaka Yaku ala ri umba-umba Kukalau, ia mosanggani-nggani nte Yaku. Bo isema-sema mokarajaa ka Yaku natantu rabila nTuamaKu.

Suro-Suro 2:45

Nasaro naria ira nompobalu kakalumanara bo mbara-mbarara, bo doina haitu nibagi-bagi ka ira pura nangoseaka anu niparaluura.

Ibrani 10:34

Komiu muni naasi mata nomporoa bo nantulungi tona nitarunggu. Bo tempo mbara-mbaramiu niago ntona komiu batena nadamba, sabana nisanimiu naria kakalumanamiu nelabipa kabelona ri suruga anu nainti sampe ri kasae-saena.