Matius 19:13 - Kaili Ledo

¹³ Naria sanggani tona nanggeni ana-anara hau nte i Yesus ala radikaNa paleNa ri karora bo mosambaya ka ira. Tapi ana-anaguru i Yesus nompokarau tona gahaitu.

Matius 19:13 ပူးပေါင်းရင်းမြစ်များ

Matius 16:22

Nangepe tesa haitu, i Petrus nompakeni i Yesus notesa ri sabinggana. Pade nionteakana i Yesus bo nanguli, “Nee! Nee, Pue! Nee sampe anu haitu majadi nte Komiu!”

Matius 19:12

Apa naria tona ledo noberei sabana ivesia mamimo pantuu ka ia lako ri pompoanaka. Naria muni tona ledo noberei sabana anu nipovia ntona ka ia. Bo naria muni tona ledo noberei sabana dotana mboto, ala ia malogapa mantui pokarajaa nTupu. Isema mompakule matuvu maloa, domo moberei.”

Matius 20:31

Tapi todea ri sia narau ka ira randua bo nangonteaka ira, “Nee makanano! Kalinomo!” Tapi toburo haitu aga nantambai nongare ante suara namangga, “Muli Magau Daud! Poasimo kami!”

Suro-Suro 2:39

Apa Alatala nojanji mombadekei Nosa Gasa ka komiu pura-pura, bo ka muli nu mulimiu, bo ka tona ri ngata nakavao. PojanjiNa haitu ka pura-pura tona nipokio nTuputa Alatala majadi todeaNa.”

1 Korintus 7:14

Apa ana-anara nireke bagia nu Alatala sabana saito totuara nomparasaya i Kristus. Bereina anu ledo nomparasaya i Kristus nireke bagia nu Alatala sabana bereina topomparasaya. Ane ledo ivesia, ana-anara masimbayu mpo ana-ana ntona ledo nomparasaya.