Matius 18:9 - Kaili Ledo

⁹ Bo ane rapana matamiu manggeni komiu movia dosa, agina rasuisi bo ratedeaka. Aginapa komiu matuvu ante Alatala ri suruga ante matamiu sabingga. Aginapa ivehaitu pade komiu ratedeaka riara apu narakaa ante matamu robingga.

Matius 18:9 ပူးပေါင်းရင်းမြစ်များ

Matius 16:26

Nuapa gunana rakavamiu pura-pura anu naria ri dunia tapi ledo manggava katuvua nabelo sampe ri kasae-saena? Ledo ria nuapa-nuapa namala rasulamiu ka katuvua nabelo haitu.

Matius 18:8

Ane rapana palemiu atau kadamiu manggeni komiu movia dosa, agina pale atau kadamiu haitu ratampasi bo ratedeaka. Aginapa komiu mapudu pale atau mapudu kada asaa komiu matuvu mabelo nte Alatala ri suruga. Aginapa ivehaitu pade maria robingga pale bo robingga kada tapi kaupuna aga ratedaka riara apu anu navaya sampe ri kasae-saena.

Matius 19:17

Nesana i Yesus, “Nakuya tano iko nompekutana pokainggu tobelona nte Yaku? Aga Alatala nabelo, ledo ria ntanina. Ane iko madota manggava katuvua nabelo sampe ri kasae-saena, oseakamo parenta-parenta nu Alatala.”

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Matius 5:29

Ane mata ngganamu manggeni iko movia dosa, suimo bo tedakamo matamu haitu. Aginapa sangu sipa nu karomu malipo pade njumangu karomu ranavusaka riara narakaa.

Markus 9:47

Bo ane rapana matamiu manggeni komiu movia dosa, suimo matamiu haitu! Aginapa komiu majadi todea nu Alatala riara PoparentaNa ante mata sabingga, pade ratedaka riara narakaa ante matamiu robingga.

Suro-Suro 14:22

Ri ngata-ngata haitu ira nompakaroso rara ntopangoseaka i Yesus bo nompopatora ira nee molengga-lengga momparasaya. Niulira, “Kita kana mombarasai kasusa bo kapari ruru pade mamala kita mombarasai kasana ri Poparenta nu Alatala.”

Ibrani 4:11

Sabana haitu, kita kana mompasimbuku ante rarata mpuu-mpuu ala kita mamala menonto mosanggani-nggani ante Alatala. Nee sampe maria tona ledo radekei mombarasai kabelo haitu sabana ledo nomparasaya, evamo najadi nte toIsrael nggaulu.

Pompakita 21:27

Tapi anu naruto bo tona novia nadaa bo topodava ledo ntoto mamala mesua riara ngata haitu. Tona mamala mesua hamai aga tona nitulisi sangana riara Buku Katuvua nu Ana Bimba.