Matius 18:20 - Kaili Ledo

²⁰ Apa ri umba-umba tona nasiromu sabana Yaku, nau aga randua atau tatalu, Yaku mboto naria hamai nosanggani-nggani ante ira.”

Matius 18:20 ပူးပေါင်းရင်းမြစ်များ

Matius 18:21

Naupu haitu nakava i Petrus nompekutana nte i Yesus, “Pue, ane maria sampesuvuku sampomparasaya ledo naupu-upu madaa nte yaku, sampe sako-nggani ntoto yaku kana mombaampungi ia? Bara sampe pitu-nggani?”

Matius 28:20

Patudukimo ira ala raoseakara pura-pura anu niparentaKu ka komiu. Bo toramo! Yaku bate-batena mosanggani-nggani ante komiu sampe ri kaupu dunia.”

Yohanes 20:19

Ri eo Aka bongina, ana-anaguru i Yesus nasiromu ri sangu banua. Vamba nu banua haitu nigunji sabana ira naeka ka pakeni ntoYahudi. Sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 20:26

Naliu valu-mbongi, nasiromu vaimo ana-anaguru i Yesus riara nu banua haitu, bo i Tomas naria muni nosanggani-nggani ante roana ri sia. Vamba nigunji puramo tapi sampesanika, neongamo i Yesus neangga ri tatangara, bo nanguli, “Kuperapi Alatala mompakatinonto raramiu!”

Yohanes 8:58

Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”

1 Tesalonika 1:1

Sampesuvu-sampesuvu sampomparasaya ri ngata Tesalonika, todea nTuamata Alatala bo Tuputa i Yesus Kristus: Sura hitu lako nte kami tatalu, i Paulus, i Silas, bo i Timotius. Kami nerapi Alatala bate-batena mabelo nte komiu bo mompakatinonto raramiu.

Filemon 1:2

bo ka todea topomparasaya anu nasiromu nosambaya ri banuamu, bo ka i Apfia sampesuvuta mombine sampomparasaya, bo i Arkhipus, anu nosanggani-nggani nte kami nompasimbuku nokarajaa ka Tupu.

Pompakita 2:1

Bo Ana nu Manusia nombatudu yaku motulisi ka malaeka anu nanggeniaka todea topomparasaya ri ngata Efesus ivei: “Hitumo tesa lako nte Yaku anu nantipale pitu-angu betue ri pale ngganaKu bo nolipa ri olo pitu-nggada poindo bulava.

Pompakita 21:3

Bo niepeku suara namangga lako ri Gadera Kamagaua nu Alatala haitu nanguli, “Pariaramo! Sii-sii ponturo nu Alatala nosanggani-nggani ante manusia. Ia monturo ri tatangara bo ira majadi todeaNa. Bo Ia mboto mosanggani-nggani ante ira bo majadi Alatala rasombara.