Matius 18:10 - Kaili Ledo

¹⁰ Jadi pakabelo-belo, nee mompandaente ngana kodi eva ngana hitu. Sabana Kuuli ka komiu, malaeka-malaeka anu nombajagai ira, bate-batena naria ri ngayo nTuamaKu ri suruga.

Matius 18:10 ပူးပေါင်းရင်းမြစ်များ

Matius 1:20

Tempo i Yusuf da nompekiri patujuna haitu, malaeka nTupu nakava riara pangipina bo nanguli ka ia, “Yusuf, muli i Daud, nee makini raramu mompoberei i Maria, sabana ngana nikatianakana najadi lako ri kuasa Nosa Gasa nu Alatala.

Matius 12:20

Tava natetilu ledo rapakakotoNa, batuana, Ia nabelo nte tona nalente pomparasayana bo sumbu poindo aga nompida-mpida vayana ledo rapepayaNa; batuana, nalusu raraNa nte tona nau pomparasayana ledo naroo. Ia bate-batena mompasimbuku sampe kanoa nu poparenta nu Alatala majadi ri dunia,

Matius 18:14

Ivesia muni Tuamamiu ri suruga. Ia ledo madota saitoa lako ri ngana kodi hitu malipo pomparasayana.”

Matius 18:6

Tapi isema-sema mompakanavu saito ngana kodi anu nomparasaya Yaku sampe ia domo momparasaya, nabelopa ane sangu vatu mbaso rapantoesi ri tambolona bo ia rapakalodo rantasi nandala.

Matius 2:13

Nalaipa tona lako ri mpandakena, nakavamo saito malaeka nTupu riara pangipi i Yusuf bo nanguli, “Pembangumo, kenimo ngana ntali tina haitu masalisa hau ri tana Mesir, sabana Magau Herodes mangelo ngana haitu rapatesina. Ponturomo hamai sampe yaku makava vai nte iko.”

Matius 2:19

Naliu Magau Herodes namate, i Yusuf da nonturo ri Mesir. Nakavamo saito malaeka nTupu riara pangipina

Matius 24:31

Tabue nambaso rapopomoni bo Kutudu malaeka-malaekaKu hau mompasiromu tona nipelisiKu lako ri umba-umba ri dunia.”

Lukas 1:19

Nesana malaeka, “Yakumo hii Gabriel. Yaku nasaro nipojoa ri ngayo nu Alatala! Yaku niposumbaNa mompasimbayu kareba belo hitu ka iko.

Lukas 10:16

Pade nanguli i Yesus ka topangoseaka Ia, “Isema-sema nantarima tesamiu, nitarimana muni tesaKu. Isema-sema nompoara komiu, nipoarana muni Yaku. Bo isema-sema nompoara Yaku, nipoarana muni Alatala anu nombatudu Yaku.”

Lukas 16:22

Nakavamo tempona tona napakasi haitu namate bo ia nikeni nu malaeka hau ri ponturo nabelo ri sinjori Nabi Abraham. Tona nakalumana namate munimo bo nitana. Ia nikeni hau ri ponturo ntomate.

Suro-Suro 10:3

Naria saeo nitasere tinti tatalu ede eo, naria anu nipopakita ka ia, haitumo saito malaeka nu Alatala nakava nombaronde ia, “Kornelius!”

Suro-Suro 12:15

Tapi niulira ka ngana mombine haitu, “Nabaya iko!” Tapi i Rode ledo naupu-upu nanguli ka ira i Petrus mpuu. Bo ira aga nesana, “Bara aga malaekana."

Suro-Suro 12:23

Ri tempo haitumo malaeka nTupu nompakadua Magau Herodes, sabana ia ledo nompakaoge Alatala, ledo nitagina todea nanguli tesa haitu. Jadi da natuvu ia, nikande ndoromo sampe namate.

Suro-Suro 27:23

Nisaniku haitu sabana ibongi Alatala anu nisombaku bo anu nombajagai yaku, nantudu malaekaNa tumai nte yaku. Malaeka haitu nanguli,

Suro-Suro 5:19

Tapi bongina haitu saito malaeka nu Alatala nombaungge vamba-vamba ntarunggu bo nanggeni suro-suro hau ri savalikuna. Nanguli ia,

Roma 14:10

Jadi, nee rapakasala roa-roamiu sampomparasaya. Bo nee raparitambemiu ira. Apa kita pura-pura kana mantingayo Alatala bara maipia bo Ia mombatangara kita pura-pura.

Roma 14:21

Agina domo mangande bau atau manginu panginu anu nepakalangu atau movia nuapa-nuapa anu mompakeni roata manavu riara dosa.

Roma 15:1

Kita anu naroso pomparasayata masipato mosabara nte roata anu da nonggai rarana sabana dopa naroso pomparasayana. Nee aga mompekirika kasana nu rarata mboto.

1 Korintus 11:22

Nakuya ivesia? Ledo ria banuamiu mboto rapangandemiu bo rapanginumiu? Nakuya komiu nompandaente kasiromu ntodea topomparasaya Alatala? Nakuya komiu nompakaeya tona ledo nompakule manggeni kandea ri kasiromu haitu? Nuapa masipato kuuli ka komiu? Masipato kutoiya pokainggumiu haitu? Natantu ledo! Ledo ntoto masipato kutoiya pokainggumiu tutu!

1 Korintus 16:11

Jadi nee sampe maria tona manjauru ia. Tapi tulungimo ia mompapola polipana mabelo ala ia mamala manjili nte yaku, apa yaku nompopea kakavana ri sii nosanggani-nggani ante sampesuvu-sampesuvu sampomparasaya ntanina.

1 Korintus 9:22

Ane yaku nosanggani-nggani nte tona ledo naroso pomparasayana, yaku najadi nasimbayu mpo ira ala yaku mamala mantulungi mompakaroso pomparasayara. Yaku nangoseaka mpengaya-ngaya pokainggu bo kabiasa ntona ala yaku mamala manggeni sanu ira momparasaya.

2 Korintus 10:1

Hitupa yaku, Paulus, naria anu kuperapi nte komiu. Sanu tona ri situ nanguli yaku nabia notesa ri suraku, tapi ane nantingayo komiu, pangulira yaku aga naeka bo ledo nabia nanguli ri mata. Jadi ante raraku naede bo nalusu, nasimbayu mpo rara i Kristus,

2 Korintus 10:10

Nisaniku naria tona nanguli ivei: “Riara sura-sura i Paulus tesana nalonto bo nasodo, tapi ane ia mboto naria nte kita, ingguna damo nanonto, bo tesana ledo ria gunana.”

Galatia 6:1

Sampesuvu-sampesuvu, ane rakavamiu roamiu sampomparasaya novia dosa, komiu anu natuvu nangoseaka Nosa Gasa nu Alatala kana manggeni ia manjili ri dala nakana. Tapi tesamiu ledo mamala makasara, kana malusu raramiu motesa ka ia. Bo pakabelo-belo! Nee sampe komiu mboto manavu riara dosa!

1 Tesalonika 4:8

Jadi isema-sema nombasapuaka pepatuduki hitu, ledo manusia nisapuakana tapi Alatala anu nombadekei Nosa GasaNa ka komiu nisapuakana.

1 Timotius 4:12

Nee mupalamba tona mompandaente iko sabana iko da namuda. Tapi iko kana majadi jonjo ka topomparasaya riara tesamu, pokainggumu, pepotovemu ka roa, pomparasayamu nte i Pue, bo kagasa katuvumu.

Ibrani 1:14

Jadi, isema kakanana malaeka-malaeka nTupu? Ira pura-pura topotulungi Alatala anu nisuroNa mantulungi bo manggeniaka tona rapakasalamaNa.

Ibrani 9:24

Sabana, i Kristus ledo nesua ri tenda petupu ri dunia anu nipovia mpale manusia, anu nogambarai Tenda nTupu mpuuna ri suruga. Tapi Ia nesua ri suruga bo hamai Ia batena mantingayo Alatala ala mantulungi kita.

Pompakita 8:2

Bo nikitaku papitu malaeka neangga ri ngayo nu Alatala. Ira nidekeika pitu-angu tabue.