Matius 17:25 - Kaili Ledo

²⁵ Nesana i Petrus, “Iyo, nibayariNa.” Naupu haitu nanjilimo i Petrus hau ri banua niponturora. Nakava hamai, dopame ia notesa nuapa-nuapa nekutanamo i Yesus, “Simon, berimba panggavamu? Isema kakanana masipato mombabayari balasitee ka magau-magau ri dunia hitu? Todeana mboto atau tupu ngata ntanina anu nidagina?”

Matius 17:25 ပူးပေါင်းရင်းမြစ်များ

Matius 17:26

Nesana i Petrus, “Tantu tupu ngata anu nidagina masipato mombabayari.” Nanguli i Yesus, “Ane ivesia, todeana mboto ledo paraluu mombabayari balasitee haitu. Ivesia muni kita anu najadi todea nu Alatala ledo paraluu mombabayari balasitee ka Banua nu Alatala.

Matius 22:17

Jadi uli ka kami panggavaMiu. Nangoseaka Atura-atura agamata, masipato kita mombabayari balasitee ka Magau Mbaso Kaisar atau ledo?”

Matius 22:19

Popakita ka Yaku sampeka doi salaka anu nipakemiu mombayari balasitee.” Jadi nipopakitara ka Ia sampeka doi haitu.

Matius 22:21

Nesana ira, “Lenje bo sanga Magau Mbaso Kaisar.” Jadi nanguli i Yesus ka ira, “Ane ivesia, dekei ka Magau Mbaso anu masipato radekei ka Magau Mbaso, bo dekei ka Alatala anu masipato radekei ka Alatala!”

Matius 3:15

Tapi nangulimo i Yesus ka ia, “Diumo Yaku, sabana ivesiamo kita mompakadupa pura-pura anu nipodota nu Alatala.” Nangepe pesanaNa haitu, nadota mpuumo i Yohanes nombadiu i Yesus.

Lukas 20:22

Jadi, uli ka kami: nantuntuni atura-atura agamata, masipato kita mombabayari balasitee ka Magau Mbaso Kaisar atau ledo?”