Matius 17:22 - Kaili Ledo

²² Tempo i Yesus bo anaguruNa nosanggani-nggani ri bagia Galilea, nanguli Ia ka ira, “Domo masae, Yaku, Ana nu Manusia, radekei riara kuasa manusia nadaa,

Matius 17:22 ပူးပေါင်းရင်းမြစ်များ

Matius 16:21

Nompamula lako rahaitu, i Yesus nompakalanto ka ana-anaguruNa Ia kana hau ri ngata Yerusalem, bo hamai Ia rapandasa ntotua ntoYahudi, balengga-balengga ntopanggeni pesomba, bo guru-guru agama Yahudi. Bo Ia rapatesi, bo ri eo katataluna Ia rapakatuvu mpanjili lako ri kamateNa.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

Matius 17:12

Tapi Kuuli ka komiu, nakavamo Nabi Elia, aga ledo nisanira isema ia. Ira aga nangeva bo nompakadaa ia. Bo ivesia muni rapandasara Yaku, Ana nu Manusia.”

Matius 17:23

bo rapatesira. Tapi ri eo katataluna Yaku rapakatuvu mpanjili.” Nangepe tesaNa haitu, nasusa mpuumo rara anaguruNa pura-pura.

Matius 17:9

Notua lako ri buluna haitu, i Yesus nombatagi ira, “Ane Yaku, Ana nu Manusia dopa rapakatuvu mpanjili lako ri kamateKu, nepa ratesamiu ruru ka tona anu dako nikitamiu pangane.”

Matius 24:10

Bo madea topangoseaka Yaku moura pomparasayara, bo mosipobalu ntali roara sampomparasaya, bo mosipovuu matamo ira.

Matius 26:16

Nompamula lako ri eo haitu i Yudas nangelo loga nabelo mombadekei i Yesus ka baliNa.

Matius 26:46

Pembangumo! Peinta, nakavamo topompobalu Yaku! Haumo kita mosintomuka ia.”

Markus 8:31

Naliu haitu, nompamulamo i Yesus nompatuduki anaguruNa. <>

Lukas 24:26

Magau Topepakasalama mombarasai peparajea ntani ruru dopame rapakaoge.”

Lukas 24:46

NiuliNa ka ira, “Riara Buku Gasa nitulisi, Magau Topepakasalama kana rapandasa bo rapatesi bo eo katataluna matuvu mpanjili lako ri kamateNa.

Lukas 9:22

Yaku, Ana nu Manusia, kana rapandasa bo rapoara ntotua ntoYahudi ante balengga-balengga ntopanggeni pesomba bo guru-guru agama. Yaku rapatesi tapi ri eo katataluna Yaku rapakatuvu mpanjili.”

Lukas 9:43

Nanggita kambaso kabaraka nu Alatala haitu, nokumaa mpuu todea ri sia. Todea da nokumaapa nanggita pura-pura anu nipoviaNa. Jadi niulikaNa anaguruNa,

Suro-Suro 7:52

Ledo ria saitoa nabi ledo nipandasa ntotuamiu nggaulu. Nipatesira muni nabi-nabi anu nompatolele kareba kakava i Yesus, Batua nu Alatala nanoa. Bo sii-sii nipobalumiu bo nipatesimiu Batua nu Alatala haitu!

1 Korintus 11:23

Nipatudukikumo ka komiu bara ipia batuana nangande bo nanginu nosanggani-nggani mantora kamate i Yesus. Pepatuduki haitu nitarimaku lako nte i Pue Yesus mboto. Bongi i Pue Yesus nipobalu ka baliNa, nialaNa roti,