Matius 17:17 - Kaili Ledo

¹⁷ Nanguli i Yesus ka pura-pura tona hamai, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani-nggani ante komiu bo mosabara nte komiu pade raparasayamiu! Kenimo tumai ngana tutu!”

Matius 17:17 ပူးပေါင်းရင်းမြစ်များ

Matius 13:58

Bo sia sampe ledo nadea kabaraka nipovia i Yesus ri sia, apa ledo niparasayara.

Matius 16:8

Tapi nisani i Yesus anu nitesara. Haitu sampe niuliNa ka ira, “Nakuya komiu aga notesa roti ledo naria? Nakura mpuu pomparasayamiu!

Matius 17:16

Nikeniku ia nte anaguruMiu tapi ledo nipakulera mompakabelo ia.”

Matius 17:18

Bo i Yesus nompopalai seta anu nompakadua ngana haitu, bo nalai mpuumo seta haitu. Bo kaliu-liu nabelomo ngana.

Matius 6:30

Jadi ane Alatala nompakagaya bunga-bunga ranggavoko anu aga natuvu sampalai bo maile rapalabusi, nemopa komiu! Natantu Ia mombadekei ka komiu pakea niparaluumiu. Nakura mpuu pomparasayamiu!

Matius 8:26

Nangulimo i Yesus ka ira, “Nakuya komiu naeka? Nakura mpuu pomparasayamiu!” Naupu haitu neangga Ia nombatudu poiri bo balumba mbaso metaa. Bo kaliu-liu netaa mpuumo poiri bo nalinomo uve.

Markus 16:14

Naupu haitu, i Yesus nompopakita karoNa ka sapulu saitopa anaguruNa tempo ira nonturo nangande nosanggani-nggani. NionteakaNa ira sabana nakura pomparasayara bo nakaa bagara sampe ledo nadota nomparasaya tesa nu roara anu nanggita Ia natuvu mpanjili.

Markus 9:19

Jadi nanguli i Yesus ka ira, <>

Lukas 24:25

Nangepe haitu, i Yesus nanguli ka ira, “Nadoyo mpuu komiu! Nakumba mpuu pekirimiu momparasaya anu nitesa nu nabi-nabi nggaulu!

Lukas 9:41

Nangepe haitu, nangulimo i Yesus ka ira, “Natantu mpuu komiu natuvu sii-sii! Komiu nesapuaka mpuu bo ledo nomparasaya! Sakuyapa kasaena Yaku kana mosanggani nte komiu bo mosabara nte komiu pade raparasayamiu?” Pade nituduNa tuama nu ngana nadua haitu, “Keni tumai anamu!”

Yohanes 20:27

Naupu haitu, niuliNa ka i Tomas, “Peintamo paleKu hitu. Dikamo koya-mpalemu ri sii. Bo dikamo palemu ri valea ntavala ri usuKu hitu. Tumo mabata-bata raramu, tapi parasayamo!”

Suro-Suro 13:18

Patapulu-mpae kasaena Alatala nosabara nte pokainggura ri karava bai.

Suro-Suro 2:40

Ledo aga ivesia tesa i Petrus, tapi ante nadea tesa-tesa ntanina nipatudukina bo nipaingana todea. Niulikana ira, “Kajeamo bo rapakasalama, ala komiu ledo rapambela pehuku nu Alatala anu rapambela ka tona nadaa ri ngata hitu anu nompatesi i Yesus!”

2 Korintus 11:1

Sampesuvu-sampesuvu, kuperapi komiu mosabara ruru mangepe yaku motesa mpo todoyo. Komiu nosabara mami nte yaku.