Matius 16:28 - Kaili Ledo

²⁸ Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

Matius 16:28 ပူးပေါင်းရင်းမြစ်များ

Matius 10:23

Ane komiu rapandasa ntona ri sangu ngata, palaimo hau ri ngata ntanina. Pariaramo tesaKu hitu. Yaku, Ana nu Manusia kana makava mpanjili dopame maupu rakenimiu Kareba Belo ka pura-pura ngata ri tana Israel.

Matius 16:13

I Yesus bo anaguruNa hau ri bagia napara ngata Kaisarea Filipi. Nakava hamai, i Yesus nompekutana anaguruNa, “Nangoseaka panggava ntodea, isema Yaku, Ana nu Manusia?”

Matius 24:3

Naupu haitu hau ri Bulu Zaitunmo i Yesus. Tempo Ia da nonturo hamai, ana-anaguruNa nakava motesa nggalino nte Ia. Niulira, “Guru, uli ka kami, maipia majadi pura-pura anu nitesaMiu pangane, bo berimba tandana kakavaMiu bo kaupu nu dunia hitu?”

Matius 24:34

Pariaramo tesaKu hitu! Dopame mamate pura-pura tona natuvu sii-sii, kajadia-kajadia nitesaKu pangane majadimo.

Matius 24:42

Haitu sampe Kuuli, komiu kana mainga, apa ledo nisanimiu maipia makava Tupumiu.”

Matius 26:64

Nesana i Yesus, “Nakana niulimiu tu. Pariaramo! Kana makava tempona bara maipia rakitamiu Yaku, Ana nu Manusia, monturo ri sabingga nggana nu Alatala toNeliu KakuasaNa, bo rakitamiu Yaku manau lako ri suruga riara kulimu.”

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Markus 13:26

Bo ri tempo haitu pura-pura manusia ri dunia manggita Yaku, Ana nu Manusia, manau riara kulimu. Bo rakitara kaogeKu bo kuasaKu nipokumaaka.

Markus 8:38

Isema-sema maeya matana manguli ia topangoseaka Yaku bo maeya matana nte pepatudukiKu ri tatanga ntodea anu nadosa bo ledo natutu nangoseaka Alatala, Yaku muni maeya mataKu manguli ia topangoseaka Yaku tempo Yaku makava mpanjili. Apa Yaku, Ana nu Manusia, makava mpanjili ri dunia hitu ante reme bo kuasa nTuamaKu, mosanggani-nggani ante malaeka-malaeka nagasa!>>

Markus 9:1

I Yesus nanguli ka ira, <>

Lukas 18:8

Parasayamo: masalisa ratulungiNa ira. Tapi tempo Yaku, Ana nu Manusia makava mpanjili ri dunia hitu, da mariapa tona mpuu-mpuu momparasaya Yaku?”

Lukas 2:26

Nosa Gasa haitu nompopaisani ka ia, dopa ia mamate ane dopa rakitana Magau Topepakasalama anu nijanji nu Alatala.

Lukas 9:27

Pariaramo! Naria bara sako-ndua komiu ri sii dopa mamate ane dopa rakitara Alatala moparenta mpo Magau.”

Yohanes 21:22

Nesana i Yesus, “Ane rapana Yaku madota ia matuvu sampe Yaku makava mpanjili ri dunia hitu, haitu ledo paraluu musani. Tapi iko, nee menonto mangoseaka Yaku!”

Yohanes 8:51

Pariaramo tesaKu hitu. Isema-sema mangoseaka tesaKu ledo mamate sampe ri kasae-saena.”

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Suro-Suro 1:11

Nanguli malaeka haitu, “Heh, toGalilea! Nakuya komiu aga neangga ri sii, nantingoa langi? I Yesus anu nikitamiu pangane neore rou ri surugamo. Ivesia muni Ia manjili lako ri suruga tumai ri dunia, nasimbayu mpo nikitamiu pangane.”

1 Korintus 15:23

Tona namatemo kana rapakatuvu mpanjili nangoseaka sunjuna nipakatantu. I Kristus tona pamulana nipakatuvu mpanjili. Bo maliu haitu tona nosangu rara nte Ia rapakatuvuNa mpanjili tempo Ia makava mpanjili ri dunia.

1 Tesalonika 1:10

Nitesara muni berimba komiu nanjarumaka kakava i Yesus, Ana nu Alatala lako ri suruga. Ia nipakatuvu nu Alatala mpanjili lako ri kamateNa. Bo Iamo nombakabasaka kita lako ri pehuku nu Alatala anu rapambela ka tona nadosa bara maipia.

Ibrani 2:9

Tapi nikitata i Yesus nakuasa! Ia niparitambe sampalai lako ri malaeka nasimbayu mpo manusia ala Ia rapatesi mombasambei pura-pura manusia. Haitu nipoviaNa sabana Alatala nompotove kita. Bo sii-sii Alatala nompakaoge Ia bo nidekeiNa ka Ia nturo nibila sabana Ia nombarasai susa bo pari sampe namate.

Yakobus 5:7

Sampesuvu-sampesuvuku, komiu kana mosabara sampe makava Tupu. Peintamo posabara ntopotuda, ira nompopea sampe naria vuana nisarumakara. Ira nosabara nompopea uda anu mompakatuvu tuda-tudara.

2 Petrus 1:16

Kami nompatuduki ka komiu kuasa nTuputa Yesus Kristus bo kakavaNa mpanjili ri dunia hitu. Pepatuduki kami haitu ledo nangoseaka patesa-patesa nipovia nu manusia. Tapi kami mboto nanggita kaogeNa anu nipokumaaka.

1 Yohanes 2:28

Jadi sampesuvu-sampesuvu nipotoveku, kita kana maroo matuvu mosangu rara nte i Kristus ala ledo maeya matata mantingayo Ia, bo ledo maeka rarata tempo Ia makava mpanjili ri dunia.