Matius 16:23 - Kaili Ledo

²³ Tapi i Yesus neili bo nanguli ka ia, “Palaimo lako ri sii, Magau Seta! Iko, Petrus, aga nombabonto Yaku ala ledo Kuoseaka dota nTuamaKu! Pekirimu tutu pekiri nu manusia, ledo pekiri lako nte Alatala!”

Matius 16:23 ပူးပေါင်းရင်းမြစ်များ

Matius 16:22

Nangepe tesa haitu, i Petrus nompakeni i Yesus notesa ri sabinggana. Pade nionteakana i Yesus bo nanguli, “Nee! Nee, Pue! Nee sampe anu haitu majadi nte Komiu!”

Matius 18:7

Mandasamo tona ri dunia sabana mpengaya-ngaya anu nompakanavu ira riara dosa. Kana maria tona manavu, tapi mandasa mpuumo topompakanavuna!

Matius 4:10

Tapi nesanamo i Yesus ka ia, “He, Magau nu Seta! Palaimo iko lako ri sii. Sabana nitulisi riara Buku Gasa ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”

Markus 8:33

Tapi i Yesus neili nangganoto anaguruNa pura-pura, bo nituduNa i Petrus, <>

Lukas 4:8

Pade nesana i Yesus, “Riara nu Buku Gasa nitulisi ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”

Yohanes 6:70

Nesana i Yesus, “Yaku mbotomo nompelisi komiu sapulu randua tutu. Tapi naupa ivesia, naria saito komiu nipopale nu Magau Seta!”

Roma 14:13

Jadi, nemo raposipakasalata. Agina kita mompasimbuku nemo rapoviata nuapa-nuapa anu mompakeni roata sampomparasaya manavu riara dosa.

Roma 14:21

Agina domo mangande bau atau manginu panginu anu nepakalangu atau movia nuapa-nuapa anu mompakeni roata manavu riara dosa.

Filipi 3:19

Tona ivehaitu ranavusaka ri narakaa, sabana aga dotara mboto anu nadaa nisombara. Anu nipoeya, haitumo nioera sabana aga anu ri dunia hitu nipekirikara.

Kolose 3:2

Pekirikamo katuvumiu nabaru nosanggani ante i Kristus ri suruga. Nee aga mompekirika katuvumiu ri dunia hitu.