Matius 15:31 - Kaili Ledo

³¹ Nanggita haitu nokumaa mpuumo todea sabana tona nabobo namala notesa, tona nakejo bo nakoyo nipakabelo, tona napunggu namala nolipa bo tona naburo namala nekita. Jadi todea nombabila bo nantoiya Alatala anu nisomba ntoYahudi.

Matius 15:31 ပူးပေါင်းရင်းမြစ်များ

Matius 15:30

Nakavamo todea nte Ia nanggeni roara napunggu, tona naburo, nakejo bo nakoyo, tona nabobo bo nadea tona ntanina anu nadua. Ira nikeni ri ngayo i Yesus bo nipakabeloNa pura.

Matius 18:8

Ane rapana palemiu atau kadamiu manggeni komiu movia dosa, agina pale atau kadamiu haitu ratampasi bo ratedeaka. Aginapa komiu mapudu pale atau mapudu kada asaa komiu matuvu mabelo nte Alatala ri suruga. Aginapa ivehaitu pade maria robingga pale bo robingga kada tapi kaupuna aga ratedaka riara apu anu navaya sampe ri kasae-saena.

Matius 21:14

Naliu haitu tona naburo bo tona nakejo bo nakoyo nakava nte i Yesus ri Banua nu Alatala. Bo nipakabeloNamo ira.

Matius 8:10

Nangepe tesana haitu, nokumaamo i Yesus, bo niuliNa ka todea anu nantuntuni Ia, “Natantu mpuu pomparasaya ntona hitu! Nau todea toYahudi, muli Israel, dopa ria nikavaKu pomparasaya ntona naroso eva pomparasaya ntona hitu!

Matius 9:32

Dako nalai toburo randua pangane, naria saito tobobo nikeni ntona hau nte i Yesus. Tona haitu nabobo sabana nipesua nu seta.

Matius 9:33

Jadi tempo seta haitu nipopalai i Yesus lako nte ia, namalamo ia notesa. Nanggita kajadia haitu nokumaa mpuumo todea. Nanguli ira, “Dopa sanggania nikita kami kajadia eva hitu ri tana Israel!”

Matius 9:8

Nanggita kajadia haitu naekamo rara ntodea ri sia. Bo nitoiyara Alatala sabana nidekeiNa kuasa nambaso eva haitu ka manusia.

Markus 2:12

Bo kaliu-liu neangga mpuumo topunggu haitu ri ngayora pura-pura. Nialanamo ompana bo nanjilimo ia. Nanggita haitu, nokumaa puramo tona ri sia, bo ira nombatoiya Alatala. Niulira, <>

Markus 7:37

Bo pura-pura tona nokumaa ntoto nangepe kajadia haitu. Bo niulira, <>

Markus 9:43

Ane rapana palemiu manggeni komiu movia dosa, tampasimo palemiu haitu! Aginapa komiu matuvu nte Alatala ri suruga ante palemiu sabingga, pade komiu ratedaka ante pale robingga hau ri narakaa, riara apu anu ledo mapaya-paya.

Lukas 14:13

Ane komiu movia posusa, gagamo tona napakasi, tona nakeru, tona napunggu bo tona naburo.

Lukas 14:21

Batua haitu nanjili manggeni tesara ka tupu nu posusa. Narau mpuu rara ntupu posusa, bo niulikana batuana pangane, ‘Koimo masalisa hau ri ngata, ri dala mbaso bo dala kodi, bo keni tumai tona napakasi, tona nakeru, tona naburo bo tona napunggu!’

Lukas 18:43

Kaliu-liu namala mpuumo nekita toburo haitu, bo haumo ia nantuntuni i Yesus bo nombatoiya Alatala. Pura-pura todea ri sia anu nanggita kajadia haitu, nantoiya Alatala.

Lukas 7:16

Tona nanggita kajadia haitu, naeka puramo bo nitoiyara Alatala ivei: “Nabi nakuasa neumba ri tatangata! Alatala mpuu-mpuu nakavamo mombatulungi todeaNa!”

Yohanes 9:24

Naupu haitu, nipokiora vai sangganipa toburo haitu bo nipekutanara, “Ulimo anu nakana ri ngayo nu Alatala! Nisani kamimo tona nompakabelo matamu haitu tona nadosa!”