Matius 15:26 - Kaili Ledo

²⁶ Nesana i Yesus, “Kana Kutulungi ntani ruru toYahudi. Ledo masipato kandea nu ngana bo ratedaka ka asu.”

Matius 15:26 ပူးပေါင်းရင်းမြစ်များ

Matius 15:25

Naupu sia, nakavamo mombine haitu nantaputu ri ngayo i Yesus, bo nanguli, “Pue, tulungimo yaku!”

Matius 15:27

Nanguli mombine haitu, “Nakana niuliMiu, Pue. Tapi asu muni nabiasa nangande labi-labi kandea anu nanavu lako ri meja ntupuna.”

Matius 7:6

Naupu haitu, nanguli i Yesus, “Nee radekei ka asu anu nagasa mbelaka asu aga megoli mombalopo komiu! Bo nee radekei mutiara ka bavu, apa bavu aga mombajeje bayangi mutiara haitu.”

Roma 9:4

Iramo toIsrael, todea nu Alatala, anu nantarima mpengaya belo lako nte Ia. NianggatakaNa ira najadi ana-anaNa mboto bo nipopakitakaNa ka ira kuasaNa bo kaogeNa. NipoviaNa pojanji nte ira, bo nidekeikaNa Atura-atura agama ka ira. NipatudukikaNa ka ira ada-ada metupu nte Ia. Nadea mpuu janji nu Alatala ka toIsrael.

Galatia 2:15

Sampesuvu-sampesuvu, kami toYahudi mami lako ri pompoanaka kami, kami ledo mpo tona ledo toYahudi anu niuli nadosa sabana ledo nioseakara atura agama.

Efesus 2:12

Bara ipia, dopa nisanimiu i Kristus. Komiu mpo tosangatana apa komiu ledo nosamporoa nte toYahudi anu nipelisi nu Alatala majadi todeaNa. Komiu ledo nanggava bagia riara pojanji nu Alatala ka todeaNa. Komiu aga natuvu bayangi riara dunia hitu bo ledo nisanimiu Alatala, bo ledo ria panjarumakamiu nuapa-nuapa.

Filipi 3:2

Komiu kana mainga nte tona manggeni pepatuduki nadaa, anu noinggu mpo asu nasoa. Ira madota mompasuu komiu rasuna nangoseaka atura i Musa. Pangulira kita kana rasuna ala mpuu-mpuu manoa ri panggita nu Alatala. Nee raparasayamiu!

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.