Matius 15:14 - Kaili Ledo

¹⁴ Jadi palambakamo toFarisi haitu. Ira eva pakeni naburo. Ane tona naburo mombanini toburo ntanina, natantu ira randua manavu mpasanggani riara lovu.”

Matius 15:14 ပူးပေါင်းရင်းမြစ်များ

Lukas 6:39

I Yesus notesa sangu porapa ka topangoseaka Ia. “Ledo masipato toburo mombanini toburo ntanina. Natantu ira randua aga manavu mpasanggani riara lovu.

Yohanes 9:39

Nanguli i Yesus ka ia, “Patuju kakavaKu ri dunia hitu ala mompakalanto sala ntona ala tona naburo mamala mekita, bo tona nisarumakana nekita, majadi maburo.”

1 Timotius 6:5

bo ledo naupu-upu nosipakadua rara. Nadaamo pekirira bo domo nisanira anu nakana. Nisarumakara makalumana ira ane moagama.

2 Petrus 2:1

Tempo nggaulu naria nabi-nabi mpodava neumba ri tatanga ntodea nu Alatala. Bo ivesia muni sii-sii, guru-guru mpodava meumba ri tatangamiu. Rakenira pepatuduki nasala anu mompakagero pomparasaya ntona, bo rasapura i Kristus Tupura anu nombakabasaka ira lako ri kuasa nu dosara. Poviara mboto sampe ira rahuku masalisa.

2 Petrus 2:17

Guru-guru mpodava haitu nasimbayu mpo mata nu uve naotimo. Ira nasimbayu mpo kulimu vuri aga niburu mpoiri narimboso. Alatala nompakasadia ponturo nalanda mpirika ka ira.

Pompakita 19:20

Tapi binata nadaa nisaka sanggani ante nabi mpodava bo ira randua nitedaka nggatuvu riara ntasi apu anu navaya ante vatu-vatu colonggata navaya. Nabi mpodava haitumo novia tanda-tanda nipokumaaka ante kuasa nidekei nu binata nadaa ka ia. Ante tanda-tanda nipokumaaka, ia nombabagiu tona nimere ante tanda nu binata nadaa bo tona nombasomba pinoitona.

Pompakita 22:15

Tapi tona nadaa, topedoti, tona nogau sala ante tona ledo bereina mboto, topepatesi, tona netupu nte tupu ntanina, topodava bo pura-pura tona nompokono dava, ponturora pura-pura aga ri savaliku ngata haitu.