Matius 14:36 - Kaili Ledo

³⁶ Niperapira nte i Yesus ala ira rapaloga nau aga mombakabe doe bajuNa. Bo pura-pura tona nanggabe bajuNa, kaliu-liu nabelo.

Matius 14:36 ပူးပေါင်းရင်းမြစ်များ

Matius 14:35

Tempo nisani ntupu ngata hamai tona nakava haitu i Yesus, nipatolelera kareba haitu hau ri umba-umba ngata ri bagia haitu sampe pura-pura tona nadua hamai nikeni hau nte i Yesus.

Matius 23:5

Pura-pura poviara aga nipovia ala rakita ntona. Peinta pomboli Tesa Gasa anu nipou ri kirera! Bo peinta, nandoe vera ri bivi bajura mompopakita katutura nangoseaka parenta nTupu!

Markus 3:10

Nadea mpuu tona nipakabeloNa bara ipia sampe pura-pura tona nadua nosimpago nompasimbuku mompakapara nte Ia ala ira mamala manggabe Ia.

Markus 6:56

Ri umba-umba ngata nikalau i Yesus, kana naria tona nanggeni tona nadua hau ri potomu. Bo niperapira nte i Yesus ante mpuu-mpuu ala tona nadua haitu mamala manggabe bajuNa, nau aga doena. Bo isema-sema nanggabe doe nu bajuNa, kana nabelo.

Markus 8:22

Naupu sia, hau ira sampe nakava ri ngata Betsaida. Hamai naria tona nanggeni saito langgai naburo ka i Yesus. Ira nerapi mpuu ala i Yesus mantui mata ntoburo haitu bo mompakabelo matana.

Lukas 6:19

Nadea tona nompasimbuku manggabe karo i Yesus sabana naria kuasa nu Alatala nesuvu lako nte Ia anu nompakabelo pura-pura ira.

Yohanes 6:37

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Yohanes 7:23

Komiu novia ada posuna ri eo penonto ala ledo raliunakamiu Atura-atura anu nidekei i Musa. Jadi nakuya komiu narau ka Yaku nompakabelo saito tona nadua njumanggaro ri eo penonto?

Suro-Suro 3:16

Jadi sampesuvu-sampesuvu, nikitamiu topunggu hitu bo nisanimiumo ia. Ia nomparasaya i Yesus, jadi i Yesus nompakaroso kadana. Nikitamiu mboto, ia nabelo mpuumo sabana pomparasayana i Yesus.