Matius 13:55 - Kaili Ledo

⁵⁵ Apa ledo Ia haitu ana i Yusuf pande kayu? Apa ledo i Maria tinana? Bo sampesuvuNa langgai i Yakobus, i Yusuf, i Simon bo i Yudas?

Matius 13:55 ပူးပေါင်းရင်းမြစ်များ

Matius 27:56

Saito nosanga i Maria Magdalena. Saitopa nosanga i Maria, tina i Yakobus bo i Yusuf. Saitopa berei i Zebedeus.

Markus 15:40

Naria muni bara sako-ndua mombine neangga nompeintaka nggavao. Ri tatangara muni naria i Maria Magdalena, i Maria tina i Yoses bo i Yakobus muda. Bo naria muni i Salome.

Markus 15:47

Tempo haitu i Maria Magdalena bo i Maria tina Yoses nanggita ponturo nipombaboli karobata i Yesus.

Markus 6:3

Apa ledo Ia aga pande kayu, ana i Maria bo tuaka i Yakobus, Yoses, Yudas bo i Simon? Bo tueiNa mombine naria muni ri tatangata ri sii!>> Jadi naduamo rarara bo nipoarara pepatudukiNa.

Lukas 1:27

Malaeka Gabriel nitudu hau mangulika saito randaa, nosanga i Maria. Randaa haitu notengea nte langgai nosanga i Yusuf, muli Magau Daud.

Lukas 24:10

Mombine pangane iamo: i Maria Magdalena, i Yohana, i Maria tina Yakobus, ante mombine-mombine ntanina. Nitesara pura-pura anu najadi pangane ka anaguruNa,

Lukas 3:23

Tempo i Yesus nompamula pokarajaaNa, umuruNa nitasere talupulu mpaemo. Nangoseaka panggava ntodea, Ia ana i Yusuf, Yusuf ana i Eli;

Lukas 4:22

Pura-pura tona ri sia nokumaa nangepe Ia, sabana nabelo mpuu anu niuliNa. Niulira, “Nabelo mpuu anu nitesaNa! Berimba bo mamala Ia motesa ivehaitu? Ia aga ana i Yusuf!”

Lukas 8:20

Naria saito tona nanguli ka i Yesus, “Guru, tinaMiu ante sampesuvu-sampesuvuMiu ria ri savalikuna. Ira madota mosinggava nte Komiu.”

Yohanes 19:25

Tina i Yesus nosanggani-nggani ante sampesuvuna mombine neangga napara kayu salib. Naria muni i Maria berei i Klopas bo i Maria Magdalena.

Yohanes 6:42

Nosimpotesamo ira, “Bai! Ledo Ia hitu i Yesus ana i Yusuf? Nisanita pura tina tuamaNa. Berimba sampe niuliNa Ia nanau lako ri suruga?”

Yohanes 9:29

Nisani kami Alatala notesa nte i Musa nggaulu. Tapi tona haitu, ledo nisani kami unu nu apuNa.”

Galatia 1:19

Tapi yaku ledo nanggita suro-suro ntanina, aga i Yakobus tuei i Pue Yesus.

Yudas 1:1

Sampesuvu-sampesuvu anu nipokio nTuamata Alatala majadi todeaNa: Komiu mpuu-mpuu nipotove nu Alatala, bo nijagaiNa sampe i Yesus Kristus makava mpanjili. Sura hitu lako nte yaku, i Yudas, batua i Yesus Kristus bo sampesuvu i Yakobus.