Matius 13:30 - Kaili Ledo

³⁰ Palambamo jono matuvu mosanggani ante pae sampe makava tempona mokato. Damo kuuli ka topokato ngena, pasiromu ntani ruru jono-jonona, pade rapou bo rapalabusi. Naupu sia, pade rapasiromu pae bo raboli riara gampiriku.’ ”

Matius 13:30 ပူးပေါင်းရင်းမြစ်များ

Matius 13:25

Tapi naria sambongi tempo pura-pura tona naturumo, nakavamo balina nombakamburaka vua jono ri talua haitu pade nalaimo ia.

Matius 13:29

Tapi nanguli tupu ntalua, ‘Nee! Ane rarebumiu jono haitu, bara maria muni pae materebu sanggani nte jono.

Matius 25:32

Bo pura-pura manusia rapasiromu ri ngayoKu bo Yaku mogaaraka ira majadi rolunu, nasimbayu mpo topoevu nogaaraka bimbana bo tovauna.

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 3:12

Ia nasimbayu eva tona novaro pae. Nasadiamo Ia ante tapi ri paleNa bo ravarona paeNa sampe magasa. Pae naisi raboliNa riara gampiriNa, tapi meena rapalabusiNa riara apu anu ledo mapaya-paya.”

Lukas 3:17

Ia nasimbayu mpo tona novaro pae. Nasadiamo Ia ante tapi ri paleNa mombavaro pura-pura paena sampe magasa. Pae naisi raboliNa riara gampiri, tapi meena rapalabusiNa ri mata nu apu ledo mapaya-paya.”

Yohanes 15:6

Tona ledo naroo nosangu rara nte Yaku kana ratedeaka nasimbayu mpo tinggu nu valaa ratedeaka sampe mangau. Tinggu-tinggu nangau haitu aga rapasiromu ratedeaka ri mata nu apu bo rapalabu.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

1 Timotius 5:24

Naria tona nalantomo dosana nau dopa nitangara. Tapi dosa ntona ntanina damo riara potangara pade nalanto. Jadi nee masara gaga manganggataka tona majadi pakeni ntopomparasaya.