Matius 13:25 - Kaili Ledo

²⁵ Tapi naria sambongi tempo pura-pura tona naturumo, nakavamo balina nombakamburaka vua jono ri talua haitu pade nalaimo ia.

Matius 13:25 ပူးပေါင်းရင်းမြစ်များ

Matius 13:24

Naria porapa ntanina nitesa i Yesus ka todea haitu ivei: “Poparenta nu Alatala nirapaka tona hau nosavu savua tobelona ri taluana.

Matius 13:26

Natuvumo pae haitu sampe nesuvumo vulina, bo nikita muni jono natuvu ri tatanga mpae haitu.

Matius 13:27

Jadi tona nigaji ntupu ntalua haitu hau nompekutana tupu ntalua, ‘Tua, savua tobelona nitudamiu ri talua hitu. Lako ri umba tano kavoko haitu?’

Matius 13:29

Tapi nanguli tupu ntalua, ‘Nee! Ane rarebumiu jono haitu, bara maria muni pae materebu sanggani nte jono.

Matius 13:30

Palambamo jono matuvu mosanggani ante pae sampe makava tempona mokato. Damo kuuli ka topokato ngena, pasiromu ntani ruru jono-jonona, pade rapou bo rapalabusi. Naupu sia, pade rapasiromu pae bo raboli riara gampiriku.’ ”

Matius 13:39

Magau nu Seta nirapaka bali anu nokamburaka vua jono. Kaupu nu Dunia nirapaka tempo nokato bo malaeka-malaeka nu Alatala nirapaka topokato.

Matius 25:5

Nasae mpuu nipopeara, dopa-dopa nakava boti langgai sampe naroyo matara bo namonjo puramo.

Galatia 2:4

Tapi naria tona ntanina madota mompasuu i Titus rasuna, nangoseaka atura agama Yahudi. Panguli ntona haitu, ira topomparasaya i Kristus, tano aga davara. Ira nesua nggalino-lino ri kasiromu kami bo nomata-matai kami. Patujura ala pura-pura topomparasaya matundu nte atura-atura agama Yahudi. Tapi kita ledo paraluu matundu nte atura-atura haitu ala majadi manoa ri panggita nu Alatala. Kita nikabasaka lako ri atura haitu sabana kita nosangu rara ante i Yesus Kristus.

Ibrani 12:15

Jagaimo! Nee sampe maria komiu moura momparasaya bo mompoara kabelo rara nu Alatala. Nee sampe maria tona majadi mpo tuda-tuda nelangu ri tatangamiu, anu nompakasusa todea ante racuna, sampe nadea tona nikeni riara dosa.

1 Petrus 5:8

Komiu kana mainga bo manoto rara, sabana balimiu, Magau nu Seta hau tumai nasimbayu mpo singa nongao-ngao nompengavu tona rasakana.

2 Petrus 2:1

Tempo nggaulu naria nabi-nabi mpodava neumba ri tatanga ntodea nu Alatala. Bo ivesia muni sii-sii, guru-guru mpodava meumba ri tatangamiu. Rakenira pepatuduki nasala anu mompakagero pomparasaya ntona, bo rasapura i Kristus Tupura anu nombakabasaka ira lako ri kuasa nu dosara. Poviara mboto sampe ira rahuku masalisa.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 13:14

Nipoviana tanda-tanda haitu ante kuasa nidekei nu binata pamulana ka ia ala mombabagiu tona nonturo ri dunia. Nituduna ira movia bo mompopeangga sangu pinoito nambaso nolenje mpo binata pamulana, anu nitimbe pakaoga tapi ledo namate.

Pompakita 2:20

Tapi da nariapa sangaya pokainggumiu anu ledo ntoto nipodambaKu. Haitumo mombine anu nosanga i Izebel anu nompangaku karona nabi. Komiu nompaloga ia nompatuduki bo nombabagiu topangoseaka Yaku. Ia nompatuduki ira mosipogau ante tona ledo bereira mboto bo mangande kandea nipopali sabana nipakande ka tupu-tupu ntanina.