Matius 13:15 - Kaili Ledo

¹⁵ Sabana tona gahaitu nakaa bagara, bo ira aga netibongo, bo matara nipiriramo. Ane ledo nipoviara ivehaitu rakita nu matara anu najadi, raepe ntalingara bo rasanira batuana, rapahara anu nakana bo manjili nte Yaku, ala Kupakabelo ira.’ ” Yesaya 6:9-10

Matius 13:15 ပူးပေါင်းရင်းမြစ်များ

Markus 4:12

ala madupa tesa ri Buku Gasa ivei: >> Yesaya 6:9-10

Lukas 19:42

NiuliNa, “Pakasi ranga! Mabelo mpuu ane eo hitu rasanimiu, anu manggeni katuvu mabelo ka komiu. Tapi hitupa nitabuniaka ka komiu, domo rasanimiu.

Suro-Suro 28:27

Haitu majadi, sabana tona gahaitu nakaa bagara, ira netibongomo, bo matara nipiriramo. Ane ledo nipoviara ivehaitu, rakita nu matara anu najadi, bo raepe ntalingara bo rasanira batuana, bo rapahara anu nakana bo manjili mpanjili nte Yaku ala Kupakabelo ira.’ ” Yesaya 6:9-10

Suro-Suro 3:19

Jadi sampesuvu-sampesuvu, komiu kana majea lako ri dosa-dosamiu bo matundu nte Alatala ala dosa-dosamiu ralelakaNa.

Suro-Suro 7:57

Nangepe haitu, toPolibu Mbaso nongare-ngare bo nombaramu talingara ala domo raepera hanupa tesa i Stefanus. Nangova puramo ira hau mombasaka i Stefanus.

2 Timotius 4:4

Ira mombaramu talingara ala domo raepera pepatuduki nu Alatala anu nakana, bo ira aga mompataa talingara mangepe tesa-tesa ledo nakana anu nipovia nu manusia.

Ibrani 5:11

Da nadeapa mbeki kuuli mombatesa i Yesus bo i Melkisedek ka komiu, tapi nakaja ratentei ka komiu sabana nakumba mpuu pompahamiu meguru pepatuduki nakana.

Pompakita 22:2

bo noili ri tatanga dala ngata haitu. Ri tinggi binangga ntimali-mali naria kayu-kayu niuli “Kayu Katuvua”. Kayu haitu novua sapulu ronggani sampae, sambula sanggani novua. Bo tava kayu haitu nipopakuli mompakabelo tona ri njumangu dunia.