Matius 12:50 - Kaili Ledo

⁵⁰ Apa, isema-sema novia dota nTuamaKu ri suruga, ia haitumo nireke sampesuvuKu bo tinaKu.”

Matius 12:50 ပူးပေါင်းရင်းမြစ်များ

Matius 12:49

NituduakaNa ana-anaguruNa bo niuliNa, “Tona hitumo tinaKu bo sampesuvuKu.

Matius 13:1

Ri eo haitu muni i Yesus nesuvu lako ri banua hau ri tinggi Rano Galilea bo nonturo ri sia.

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Matius 25:45

Bo Yaku mesana ka ira, ‘Pariaramo tesaKu hitu! Tempo komiu ledo nadota nantulungi sampesuvu-sampesuvuKu hitu anu naede panggana, batuana komiu ledo nadota nantulungi Yaku.’ ”

Matius 28:10

Nanguli i Yesus ka ira, “Nee maeka. Koi ulika sampesuvu-sampesuvuKu hau ri Galilea. Hamai rakitara Yaku.”

Markus 3:35

Apa isema-sema nangoseaka dota nu Alatala, iamo sampesuvuKu bo tinaKu.>>

Lukas 8:21

Tapi nanguli i Yesus ka todea, “Isema-sema nangepe bo nangoseaka Tesa nu Alatala, tona haitumo nireke tinaKu bo sampesuvuKu.”

Yohanes 15:14

Bo komiu mpuu-mpuu vegaKu ane komiu mangoseaka parenta-parenta nidekeiKu ka komiu.

Yohanes 20:17

Nanguli i Yesus ka ia, “Nee rakabe Yaku, apa Yaku dopa neore hau nte TuamaKu. Tapi koimo hau nte sampesuvu-sampesuvuKu bo uli ka ira ivei: ‘Yaku hau nte TuamaKu bo Tuamamiu, haitumo Alatala nisombaKu bo nisombamiu.’ ”

Yohanes 6:29

Nesana i Yesus, “Iveimo anu nipokonoa nu Alatala: Parasayamo Yaku anu nituduNa.”

Yohanes 6:40

Iveimo dota nTuamaKu, ala pura-pura tona anu mombasani bo momparasaya Yaku, AnaNa, manggava katuvua mabelo sampe ri kasae-saena. Bo Kupakatuvu mpanjili ira ri kaupu nu dunia.”

Suro-Suro 17:30

Tempo nggaulu ane manusia nombasomba tupu-tupu ntanina, Alatala ledo nombahuku ira. NibotusiNa ledo rarekeNa kadoyora haitu. Tapi sii-sii, nituduNa pura-pura manusia ri umba-umba ri dunia majea lako ri dosara.

Suro-Suro 26:20

Yaku nompatolele ka pura-pura tona, kita kana majea lako ri dosa-dosata bo mombadekei katuvuta ka Alatala. Ane kita mpuu-mpuu majea lako ri dosa-dosata haitu, kana rapopakitatamo ante pokainggu mabelo. Pamula-mulana nipatoleleku kareba haitu ka toYahudi ri ngata Damsyik, pade hau ri ngata Yerusalem bo njumangu bagia Yudea. Bo nitesaku muni ka tona ledo toYahudi.

Roma 8:29

Apa lako ri lamba pamulana, kita nipelisiNa bo nipakatantuNa majadi nasimbayu mpo AnaNa i Yesus. PatujuNa ala i Yesus majadi Ana Lumbua bo kita todea majadi tueiNa.

1 Korintus 9:5

Natantumo kami muni masipato moberei nte topomparasaya bo manggeni berei kami mosanggani-nggani riara polipa kami, nasimbayu mpo anu nipovia nu suro-suro ntanina bo sampesuvu-sampesuvu i Pue Yesus mboto bo i Petrus.

2 Korintus 11:2

Yaku mpuu-mpuu nompariarantaika komiu, nasimbayu mpo Alatala nompariarantaika komiu! Komiu nirapaka randaa nagasa pokaingguna anu nipopotengeakuka saito langgai, haitumo i Kristus. Batua porapa hitu, yakumo anu paratama nompatuduki komiu momparasaya i Yesus. Dotaku ala komiu ledo molinja ntanina tapi bate-batena momparasaya Ia.

Galatia 5:6

Ane nosangu rara ante i Yesus Kristus kita, ledo ria gunana kita nisuna atau ledo nisuna. Aga nomparasaya i Kristus noguna. Bo ane kita mpuu-mpuu nomparasaya, rapotoveta roata.

Galatia 6:15

Ledo ria gunana nisuna atau ledo nisuna. Anu nopoko, Alatala nompajadi kita manusia nabaru.

Kolose 3:11

Kita najadi manusia nabaru, jadi domo ria posisalana toYahudi bo tona ledo toYahudi. Tona nisuna nangoseaka ada agama Yahudi bo tona ledo nisuna, nasimbayu ri panggita nu Alatala. Alatala ledo nompelenje bara tosangatana bara toribulu bara batua bara tona ledo nipobatua. I Kristusmo nopoko, bo Iamo nonturo riara ntaita pura-pura.

1 Timotius 5:2

Popatoramo mombine natuakapa pade iko nasimbayu mpo tinamu mboto. Popatoramo mombine namuda nasimbayu mpo pompatudukimu ka tueimu mboto, bo pakabelo ala pokainggumu bo pekirimu masipato.

Ibrani 5:9

Naganapa pura-pura haitu nirasaiNa, Ia najadi puna katuvua nabelo sampe ri kasae-saena ka pura-pura tona matundu nte Ia.

1 Petrus 4:2

Jadi da natuvu riara dunia hitu, komiu kana matuvu mangoseaka dota nu Alatala, nee mangoseaka dota rara manusia anu nadaa.

1 Yohanes 2:17

Dunia bo pura-pura anu naria riarana anu nipoino manusia magero, tapi isema-sema mangoseaka dota nu Alatala, matuvu mabelo sampe ri kasae-saena.

Pompakita 22:14

Nabelo mpuumo tona notoposi pakeana sampe nagasa, apa iramo rapaloga mangande vua lako ri Kayu Katuvua. Iramo rapaloga mesua riara ngata haitu mangose bobaa.