Matius 12:46 - Kaili Ledo

⁴⁶ Tempo i Yesus da notesa-tesa ka todea haitu, nakavamo tinaNa bo sampesuvuNa. Ira neangga ri savalikuna madota motesa ante Ia.

Matius 12:46 ပူးပေါင်းရင်းမြစ်များ

Matius 1:18

Iveimo tesa pompoanaka i Yesus Kristus. TinaNa i Maria anu nijanji moberei ante langgai nosanga i Yusuf. Tapi dopame ira noberei, natianamo i Maria lako ri kuasa Nosa Gasa nu Alatala.

Matius 12:47

Bo hau tona nanguli ka i Yesus, “Peinta! Naria tinaMiu bo sampesuvu-sampesuvuMiu ri savalikuna. Ira madota motesa nte Komiu.”

Matius 13:55

Apa ledo Ia haitu ana i Yusuf pande kayu? Apa ledo i Maria tinana? Bo sampesuvuNa langgai i Yakobus, i Yusuf, i Simon bo i Yudas?

Matius 2:11

Bo nesuamo ira riara nu banua bo nikitara ngana kodi haitu ante tinana i Maria. Bo nantaputumo ira nombasomba Ia. Naupu haitu nibukaramo peti pomboli kakalumanara, bo nidekeira ka Ia pedekei-pedekeira, haitumo bulava, bo rongaya lana dupa nasuli mpuu alina, haitumo kemenyan bo mur.

Matius 2:20

nanguli, “Pembangumo! Kenimo ngana ntali tina haitu hau manjili ri tana Israel, sabana namatemo tona madota mompatesi Ia.”

Markus 2:21

I Yesus nompapola tesaNa, <

Markus 6:3

Apa ledo Ia aga pande kayu, ana i Maria bo tuaka i Yakobus, Yoses, Yudas bo i Simon? Bo tueiNa mombine naria muni ri tatangata ri sii!>> Jadi naduamo rarara bo nipoarara pepatudukiNa.

Lukas 1:43

Yaku mpuu-mpuu nibila nu Alatala, apa tina nTupuku nakava ri banuaku mboto.

Lukas 2:33

Nangepe i Simeon nombatesa anu majadi nte Anara haitu, nokumaamo tina tuamaNa.

Lukas 2:34

I Simeon nosambaya merapi Alatala mombadekei belo ka ira. Niulikana i Maria, tina nu Ngana haitu, “Ngana hitu mpuu-mpuu nipelisi nu Alatala ala madea toIsrael manavu sabana Ia, tapi madea toIsrael ntanina rapakasalamaNa. Ia majadi tanda lako nte Alatala tapi madea tona mangeva Ia.

Lukas 2:48

Tina tuamaNa muni nokumaa nanggita ia ri sia. Nanguli tinaNa ka Ia, “Yesus, nakuya Iko nompovia kami ivehitu? Yaku nte tuamaMu nasesa mpuu nompaelo Iko!”

Lukas 2:51

Naupu haitu, notinggulimo i Yesus nosanggani-nggani nte tina tuamaNa hau ri ngata Nazaret, bo natundu nte totuaNa. Pura-pura anu najadi haitu, niboli ntinaNa riara ntaina.

Lukas 8:10

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu. Tapi tona ntanina aga nipatuduki ante porapa ala ‘rapariara, tapi nau rapeintara ledo rasanira nuapa najadi, bo nau raepera ledo rasanira batuana.’

Yohanes 19:25

Tina i Yesus nosanggani-nggani ante sampesuvuna mombine neangga napara kayu salib. Naria muni i Maria berei i Klopas bo i Maria Magdalena.

Yohanes 2:1

Rombongi kaliuna kajadia haitu, naria posusa ponika ri ngata Kana ri bagia Galilea. Tina Yesus naria hamai.

Yohanes 2:12

Naupu posusa haitu i Yesus hau ri ngata Kapernaum nosinggani-nggani ante tinaNa bo sampesuvu-sampesuvuNa bo ana-anaguruNa. Bo ira nonturo hamai bara sako-mbongi kasaena.

Yohanes 2:5

Bo nangulimo tinaNa ka topokarajaa ri posusa haitu, “Poviamo nuapa-nuapa ratuduNa ka komiu ngena.”

Yohanes 7:10

Nalaipa sampesuvu i Yesus hau ri Yerusalem, hau munimo Ia saitoNa. Ia hau ri posusa haitu nggalino-lino ala ledo rasani ntodea.

Yohanes 7:3

Tuei-tuei i Yesus nanguli ka Ia, “Aginamo Iko hau ri bagia Yudea ala pura-pura topangoseaka Iko hamai rakitara muni kabaraka-kabaraka Mupovia.

Yohanes 7:5

Niulira ivesia sabana nau i Yesus sampesuvura mboto, ledo muni niparasayara Ia.

Suro-Suro 1:14

Ira nasaro nasiromu nosangu rara nosambaya. I Maria tina Yesus, ante bara sako-ndua mombine ntanina, bo sampesuvu-sampesuvu i Yesus nasiromu muni nosambaya nosanggani-nggani ante ira.

1 Korintus 9:5

Natantumo kami muni masipato moberei nte topomparasaya bo manggeni berei kami mosanggani-nggani riara polipa kami, nasimbayu mpo anu nipovia nu suro-suro ntanina bo sampesuvu-sampesuvu i Pue Yesus mboto bo i Petrus.

Galatia 1:19

Tapi yaku ledo nanggita suro-suro ntanina, aga i Yakobus tuei i Pue Yesus.