Matius 12:38 - Kaili Ledo

³⁸ Naupu haitu bara sako-ndua guru agama bo toFarisi nanguli ka i Yesus, “Guru, kami madota manggita Komiu movia tanda nabaraka, ala rasani kami Komiu mpuu-mpuu niposumba nu Alatala.”

Matius 12:38 ပူးပေါင်းရင်းမြစ်များ

Matius 12:37

Apa tesamiu mboto rapake nu Alatala mombatangara komiu bara nasala bara ledo.”

Lukas 11:16

Naria muni tona madota mombaopa tesa i Yesus. Jadi niperapira tanda nabaraka rapopakitaNa ka ira, ala rasanira Ia mpuu-mpuu niposumba nu Alatala.

Lukas 11:29

Todea da nombatagui i Yesus, jadi nipapolaNamo tesaNa ivei: “Nadaa mpuu tona natuvu sii-sii! Niperapira Yaku movia tanda nabaraka ala rasanira Yaku mpuu-mpuu niposumba nu Alatala. Tapi ledo ria tanda rapopakita ka ira. Aga tanda mpo anu najadi nte Nabi Yunus nggaulu rapopakita ka ira.

Yohanes 2:18

Naupu haitu pakeni-pakeni ntoYahudi nangeva i Yesus bo nanguli, “Kabaraka nuapa rapoviaMu tandana Iko nakuasa nompopalai tona ivesia?”

Yohanes 4:48

Nangepe haitu, nanguli i Yesus ka ia, “Komiu todea, ane ledo rakitamiu tanda-tanda nipokumaaka bo kabaraka-kabaraka, ledo ntoto raparasayamiu.”

Yohanes 6:30

Bo nanguli vaimo ira, “Ane ivesia, tanda nuapa rapoviaMiu ala rakita kami bo raparasaya kami Komiu? Povia nuapa rapoviaMiu?

1 Korintus 1:22

ToYahudi ledo nadota momparasaya ane ledo rakitara tanda nipokumaaka. Bo toYunani ledo nadota momparasaya ane ledo ratesa ka ira ante kapande nu manusia.