Matius 12:34 - Kaili Ledo

³⁴ Komiu tano tona nadaa mpuu eva ule! Ledo ntoto nipakulemiu notesa anu nabelo, sabana nadaa mpuu raramiu! Apa tesa nisovadakata aga nangoseaka anu naria riara ntaita.

Matius 12:34 ပူးပေါင်းရင်းမြစ်များ

Matius 12:35

Tona nabelo rarana nombatesa anu nabelo, sabana anu niboli riara ntaina nabelo. Bo tona nadaa rarana nombatesa anu nadaa sabana anu niboli riara ntaina aga anu nadaa.

Matius 15:18

Tapi tesa nadaa anu neumba lako riara ntai bo lako ri sumba, haitumo anu nompakaruto manusia ri panggita nu Alatala.

Matius 23:33

Komiu tona nadaa bo muli ntona nadaa! Nisarumakamiu komiu ledo rapambela pehuku riara narakaa?

Matius 3:7

Nadea toFarisi bo toSaduki nakava mekidiu nte i Yohanes. Tapi tempo i Yohanes nanggita ira, nanguli ia, “Komiu noakala nasimbayu eva ule! Nisarumakamiu ane komiu radiu, komiu ledo rapambela pehuku nu Alatala bara maipia! Tapi ledo nakana!

Lukas 3:7

Nadea tona neonga mekidiu nte i Yohanes. Niulikana ira, “Komiu noakala nasimbayu mpo ule! Nisarumakamiu ane komiu radiu, komiu ledo rapambela pehuku nu Alatala bara maipia! Haitu ledo nakana!

Lukas 6:45

Ivesia muni manusia. Tona nabelo, nabelo muni pokaingguna bo potesana, sabana pekiri rara ntaina nabelo. Bo tona nadaa, pokaingguna bo potesana muni nadaa sabana pekiri rara ntaina nadaa. Apa tesa nisovadakana nopuna lako ri pekiri rara ntaina.”

Yohanes 8:44

Komiu nasimbayu ante tuamamiu, Magau nu Seta! Komiu batena madota mangoseaka dotana. Lako ri pamulaname ia bate-batena topepatesi. Ia ledo nosabingga ka anu nakana, sabana ledo ria nuapa-nuapa nakana riara ntaina. Masipato ia modava, apa ia topodava mami bo puna nu dava.

Efesus 4:29

Sampesuvu-sampesuvu, ane komiu motesa, nee rasovadakamiu tesa nadaa tapi sovadakamo tesa-tesa masipato, anu mombatulungi bo mompakaroso rara ntona ntanina. Tesa-tesa ivehaitu manggeni belo ka topangepena.

Efesus 5:4

Ledo muni masipato komiu mosovadaka tesa-tesa nasuloka bara tesa-tesa ledo ria gunana bara kuvava-kuvava anu ledo masipato. Aginapa sumbamiu rapakemiu manguli tarima kasi ka Alatala.

Yakobus 3:2

Kita pura-pura nasaro novia mpengaya-ngaya pokainggu nasala. Tapi tona ledo sanggani nasala tesana, iamo tona nagasa, bo nipakulena nombakuasai pura-pura dota nu rarana.

1 Yohanes 3:10

Hitumo posisalana ana-ana nu Alatala bo ana-ana Magau nu Seta: isema-sema ledo novia dota nu Alatala bo ledo nompotove sampesuvuna, ia ledo ana nu Alatala.