Matius 12:26 - Kaili Ledo

²⁶ Ivesia muni ante Magau nu Seta. Ane Magau nu Seta mompopalai seta-seta ntanina, batuana seta mosimpobali ante seta ntanina. Ane ivesia, natantu poparenta Magau nu Seta haitu ledo maroso, aga magero nggoomo.

Matius 12:26 ပူးပေါင်းရင်းမြစ်များ

Matius 13:19

Savua nanavu ri dala nirapaka tona nangepe tesa Poparenta nu Alatala tapi ledo nisanira batuana. Bo nakavamo Magau nu Seta mangagosi tesa haitu lako riara ntaira.

Matius 4:10

Tapi nesanamo i Yesus ka ia, “He, Magau nu Seta! Palaimo iko lako ri sii. Sabana nitulisi riara Buku Gasa ivei: ‘Komiu kana mombasomba Alatala, Tupumiu. Aga Iamo masipato rapetupumiu.’”

Matius 9:34

Tapi nanguli toFarisi hamai, “Bai! Tona hitu aga nompopalai seta ante kuasa lako nte Magau nu Seta mboto!”

Yohanes 12:31

Sii-sii nakavamo tempona dosa nu manusia ri dunia ratangara. Sii-sii temponamo Magau nu Seta anu nakuasa ri dunia, radagi.

Yohanes 14:30

Domo madea tesa Kuuli ka komiu, sabana gantanamo Magau nu Seta makava. Ia nombakuasai tona nadaa ri dunia hitu tapi ia ledo nakuasa momparenta Yaku.

Yohanes 16:11

Bo rapakalantoNa muni Alatala mpuu-mpuu mombahuku manusia, apa nihukuNamo Magau nu Seta anu nombakuasai manusia nadaa ri dunia hitu.

2 Korintus 4:4

Ira ledo nomparasaya sabana Magau nu Seta anu nombakuasai dunia hitu nompakaburo pekirira ala ledo rakitara reme nu Kareba Belo. Kareba Belo haitu nompakalanto kaoge i Kristus anu nasimbayu ntoto ante Alatala.

Kolose 1:13

Iamo nombakabasaka kita lako ri kuasa nalanda bo nompajadi kita todeaNa ri Poparenta nu AnaNa nipotoveNa.

1 Yohanes 5:19

Nisanita kita najadi ana-ana nu Alatala, bo nisanita tona ledo nomparasaya i Yesus nikuasai Magau nu Seta.

Pompakita 12:9

Jadi ule naga haitu nipopalai lako ri suruga bo nitedaka hau ri dunia nosanggani-nggani ante malaeka-malaeka anu nantulungi ia. Ia haitumo Ule Ntua anu nosanga Topangadu atau Magau nu Seta, anu nombabagiu manusia ri njumangu dunia.

Pompakita 16:10

Naupu haitu malaeka kaalimana nombabusaka isi tubuna ri ponturo binata nadaa. Sampesanika pura-pura ngata niparenta nu binata haitu najadi nalanda mpuu. Bo pura-pura todeana nanggiki dila sabana kandasara.

Pompakita 9:11

Naria saito magau najadi pakenira, iamo malaeka anu nakuasa mombabuka vamba lovu anu ledo rapakule mantuvu kandalana haitu. Sangana riara basa Ibrani, i Abadon, bo riara basa Yunani i Apolion. Batuana, Toperopu.