Matius 12:14 - Kaili Ledo

¹⁴ Tapi toFarisi pangane nompalaisi banua petupu bo nolibu mangelo dala mompatesi i Yesus.

Matius 12:14 ပူးပေါင်းရင်းမြစ်များ

Matius 26:4

Ira nonia mombasaka i Yesus nggalino ala mamala Ia rapatesi.

Matius 27:1

Naeo mpadondo, nasadondo mpuu, balengga-balengga ntopanggeni pesomba bo totua-totua ntoYahudi nasiromu nompakatantu i Yesus kana rapatesi.

Markus 14:1

Tempo haitu da rombongipa pade Eo Mbaso Paskah bo Posusa Roti Ledo Noragi. Balengga-balengga ntopanggeni pesomba bo guru-guru agama nangelo dala mombasaka i Yesus nggalino bo mompatesi Ia.

Markus 3:6

Naupu haitu nesuvumo toFarisi lako ri banua petupu haitu bo hau nosimpotesa ante tona nosabingga ka Magau Herodes, mangelo dala mompatesi i Yesus.

Lukas 6:11

Nanggita haitu nagigi mpuu rara nu guru-guru agama bo toFarisi haitu. Jadi nolibu ira nuapa mamala rapoviara nte i Yesus.

Yohanes 10:31

Nangepe tesaNa haitu, niala ntoYahudimo vatu raporempera i Yesus.

Yohanes 10:39

Nangepe haitu, pakeni ntoYahudi nompasimbuku vaimo mombasaka i Yesus, tapi nalaimo Ia.

Yohanes 11:53

Jadi nompamula lako ri eo haitu, pakeni ntoYahudi nasintuvumo mompatesi i Yesus.

Yohanes 11:57

Tapi balengga-balengga ntopanggeni agama bo toFarisi lave niulira mami, “Isema-sema nangisani ponturo i Yesus, kana raulina ka kami ala Ia mamala rasaka!”

Yohanes 5:18

Nangepe tesa i Yesus haitu, pakeni ntoYahudi nompasimbuku mpuu mangelo dala mompatesi Ia. Apa Ia ledo aga nombaliunaka atura-atura eo penonto tapi niuliNa muni Alatala TuamaNa mboto. Ivesiamo Ia nompakasimbayu karoNa ante Alatala.

Yohanes 7:30

Nangepe haitu, nipasimbukura mombasaka Ia. Tapi ledo ria saitoa nompakule nombasakaNa sabana dopa nakava tempona nipakatantu nu Alatala.

Yohanes 7:32

ToFarisi nangepe todea nanggalivaya notesa i Yesus. Haitumo sabana ira bo balengga-balengga ntopanggeni pesomba ntoYahudi nantudu bara sako-ndua topojaga Banua nu Alatala hau mombasaka i Yesus.

Yohanes 7:44

Naria bara sako-ndua ira madota mombasaka Ia, tapi ledo ria saitoa nabia nanggangisiNa.

Yohanes 8:59

Nangepe tesa i Yesus haitu, nangala vatumo toYahudi mombarempe Ia. Tapi Ia netinggalipo lako ri tatangara bo nalai lako ri Banua nu Alatala haitu.