Matius 11:25 - Kaili Ledo

²⁵ Tempo haitu nosambayamo i Yesus. NiuliNa, “Tata, Komiumo Tupu nu langi bo tana. Yaku nosukuru nte Komiu sabana nipopaisaniMiu pura-pura anu pangane ka tona ledo natau. Tapi nitabuniakaMiu ka tona nangisani bo tona napande,

Matius 11:25 ပူးပေါင်းရင်းမြစ်များ

Matius 16:17

Nanguli i Yesus, “Mabelo mpuu iko, Simon, ana i Yunus! Sabana, ledo manusia nompopaisani haitu ka komiu. TuamaKu ri suruga nompopaisani ka iko isema Yaku.

Matius 21:16

Niulikara i Yesus, “Ledo niepeMiu anu niuli ngana-ngana hitu? Nakuya bo ledo nitagiMiu?” Nesana i Yesus, “NiepeKumo. Nakuya tano? Ledo nibacamiu anu nitulisi riara Buku Gasa ivei: Ngana-ngana bo ngana da netomi nipatudukiMiu mantoiya Komiu.” Mazmur 8:3

Lukas 22:42

“Tata, ane rapodotaMiu, lelakasimo peparajea hitu anu rapambela ka Yaku. Tapi nee dotaKu majadi, tapi dotaMiu majadi.”

Lukas 23:34

Naupu haitu i Yesus nosambaya, “Tata, ampungimo ira. Ledo nisanira nuapa nipoviara.” Tantara anu nombapaku i Yesus, notende lamoro ala rasanira isema rakamalakana pakea i Yesus.

Yohanes 11:41

Naupu sia, nilelakaramo vatu mbaso nipombatutui dayo haitu. Pade nitingoa i Yesusmo langi bo nosambaya, “Tata, Yaku nosukuru sabana posambayaKu hitu niepeMiumo.

Yohanes 12:27

Hitupa nasusa mpuumo raraKu. Nuapa Kuuli? Madota Kuperapi TuamaKu mombakabasaka peparajea anu majadi ri karoKu ngena. Tapi ledo Kuperapi ivesia, sabana patuju kakavaKu ri dunia hitu ala mombarasai peparajea haitu.”

Yohanes 12:28

Jadi nanguli i Yesus ka TuamaNa, “Tata, popakita kaogeMiu ka manusia!” Naupu niuliNa ivesia, nariamo suara lako ri langi nanguli, “NipopakitaKumo kaogeKu bo Kupopakita vai.”

Suro-Suro 17:24

Alatala nompajadi dunia bo pura-pura isina. Iamo Tupu nu langi bo tana. Bo Ia ledo nonturo ri banua pesomba nipovia nu manusia.

1 Korintus 2:10

Tapi belo nipakasadia nu Alatala haitu, nipopaisaniNa ka kita lako ri Nosa GasaNa. Apa Nosa Gasa nu Alatala nangisani mpengaya-ngaya, sampe nau patuju nu Alatala anu dopa nisani nu manusia, nisaniNa pura.

2 Korintus 3:14

Pekiri ntoIsrael haitu natetutui muni, ledo nisanira batuana anu najadi nte i Musa. Sampe sii-sii ane Atura-atura nokolu haitu rabaca ka ira, ledo nisanira mpuu batuana. Namala raulita da naria anu nombasalibumbuni pekirira. Pekiri manusia nisalibumbuni ivesia aga namala rabuka ane tona haitu mosangu rara ante i Kristus.