Matius 11:23 - Kaili Ledo

²³ Heh, komiu toponturo ri ngata Kapernaum! Nisarumakamiu komiu raore hau ri suruga! Tapi ledo ntoto nakana! Komiu aga ranavusaka ri narakaa! Apa ane rapana kabaraka-kabaraka nipoviaKu ri ngatamiu Kupovia ri ngata Sodom anu nadaa mpuu, natantu ngata haitu ledo rapakaropu nu Alatala bo ngata haitu batena maria sampe sii-sii.

Matius 11:23 ပူးပေါင်းရင်းမြစ်များ

Matius 10:15

Pariaramo tesaKu hitu! Ri Eo Potangara ri kaupu nu dunia melabipa kadaana pehuku nu Alatala ka ira pade pehuku rapambela ka tupu ngata Sodom bo Gomora anu nadaa mpuu pokainggura!”

Matius 16:18

Pomparasayamu tutu tuu sampe sangamu i Petrus—batuana ‘vatu’. Bo Yaku mompakajadi iko pakeni ntodea anu nomparasaya Yaku, ala iko mompakaroso rarara, masimbayu eva pandasi vatu nompakaroso banua. Bo ledo maria nuapa-nuapa mamala mombadagi todeaKu, nau kuasa kamatea.

Matius 17:24

Nakavapa i Yesus bo anaguruNa ri ngata Kapernaum, naria saito topesingara balasitee ka Banua nu Alatala. Ia nanggaparai i Petrus bo nekutana, “Gurumu nombabayari balasitee ka Banua nu Alatala atau ledo?”

Matius 4:13

Nakava ri bagia Galilea nolinjamo Ia lako ri ngata Nazaret hau nonturo ri ngata Kapernaum ri bivi Rano Galilea ri tana muli i Zebulon bo i Naftali.

Matius 8:5

Tempo i Yesus nesua ri ngata Kapernaum nakavamo saito balengga ntantara nte Ia. Ia nerapi mpuu-mpuu nte i Yesus,

Lukas 10:15

Komiu toponturo ri ngata Kapernaum! Nisarumakamiu komiu raore hau ri suruga! Tapi ledo ntoto nakana! Komiu aga ranavusaka ri narakaa!”

Lukas 14:11

Isema-sema nompakalanga rarana mboto, kana rapakaede nu Alatala. Bo isema-sema nompakaede rarana mboto, kana rapakaoge nu Alatala.”

Lukas 16:23

Nandasa mpuu ia ri sia. Nitingoana ri kalangana, nikitana Nabi Abraham ri ponturona nakavao, bo i Lazarus nonturo ri sinjorina.

Lukas 4:23

Nanguli i Yesus ka ira, “Natantu raulimiu porapa hitu ka Yaku: ‘Dokutoro, pakabelo karomu mboto. Ane Komiu mpuu-mpuu nabi, popakitaMiu muni kabarakaMiu ri ngataMiu mboto mpo anu niepe kami nipoviaMiu ri ngata Kapernaum.’

Suro-Suro 2:27

Sabana, ledo rapalambaMiu yaku maboli ri ponturo ntomate. Ledo rapalambaMiu karobataku maboli riara dayo sampe mapopo majadi avu, sabana Yaku batuaMiu nipelisiMiu.

Yudas 1:7

Tora munimo tupu ngata Sodom bo Gomora nggaulu bo ngata-ngata ri sinjorina. Ira nasimbayu nte malaeka-malaeka pangane, haitumo ira muni ledo nabasa-basa nosipogau nte tona ledo bereira mboto bo nangoseaka pokainggu nabuga ntotomo. Ngatara nipalabusi ante apu rapopatora ka pura-pura tona, pokainggu nadaa rahuku ante apu sampe ri kasae-saena.

Pompakita 1:18

Yakumo hii anu Natuvu. Bara ipia Yaku namatemo. Tapi peintamo, sii-sii Yaku natuvu mpanjili sampe ri kasae-saena. Yakumo nakuasa nantipale gunji kamatea bo ponturo ntomate.

Pompakita 11:8

Bo karobatara randua haitu matepalamba nggoo ri dala jama ri ngata mbaso, haitumo ri ngata anu nipompatesi i Yesus ri kayu salib. Ngata mbaso haitu nirapaka Sodom bo Mesir nggaulu sabana nadaa mpuu tupu ngata haitu.

Pompakita 6:8

Naliu haitu nikitaku sangu jara navaa buluna! Topesavi jara haitu nosanga “Kamatea.” Bo anu netuntuni ri purina nosanga “Ponturo Ntomate.” Ira randua haitu nidekeika kuasa mombabagi ampa pura-pura manusia ri dunia bo mompatesi sabagia. Naria sanu namate tempo posieva, naria sanu namate tempo nu ara, naria sanu namate tempo dua timboro, bo naria muni sanu namate nikande binata-binata nasingi ri dunia.