Matius 11:21 - Kaili Ledo

²¹ NiuliNa, “Mandasa mpuumo komiu, toponturo ri ngata Korazim! Bo mandasa mpuumo komiu toponturo ri ngata Betsaida, sabana komiu ledo najea. Ane rapana kabaraka-kabaraka nipoviaKu ri ngatamiu Kupovia ri ngata Tirus bo Sidon, natantu nasaemo kajeara, nau ira ledo toYahudi. Bo natantu nasae munimo popakeara karu bo podikara sovu ri balenggara, tandana nabuku rarara bo nanjosomo nokainggu nadaa. Komiu toYahudi nanggita kabaraka-kabaraka haitu, tapi komiu ledo ntoto najea!

Matius 11:21 ပူးပေါင်းရင်းမြစ်များ

Matius 11:22

Pariaramo! Tempo Alatala mombatangara manusia bara maipia, pehuku ka komiu melabipa kantamona pade pehuku ka toponturo ri ngata Tirus bo Sidon.

Matius 15:21

Naliu haitu, i Yesus nompalaisi ponturo haitu bo hau ri bagia napara ngata Tirus bo ngata Sidon.

Matius 18:7

Mandasamo tona ri dunia sabana mpengaya-ngaya anu nompakanavu ira riara dosa. Kana maria tona manavu, tapi mandasa mpuumo topompakanavuna!

Matius 26:24

Yaku, Ana nu Manusia, kana mamate nangoseaka anu nitulisi riara Buku Gasa. Tapi mandasa mpuu tona mompobalu Yaku! Aginapa tona haitu ledo nipoanaka ntinana.”

Markus 3:8

lako ri Yerusalem, lako ri bagia Idumea, lako ri bagia sambote Binangga Yordan, bo lako ri ngata Tirus bo Sidon. Ira nakava nte i Yesus sabana niepera i Yesus novia kabaraka-kabaraka.

Markus 6:45

Naupu haitu, kaliu-liu nitudu i Yesusmo anaguruNa mesavi sakaya, mokolu hau ri ngata Betsaida ri sambote rano. Apa Ia da mompopanjili todea hau ri ngatara mboto.

Markus 7:24

Naupu haitu i Yesus hau ri bagia napara ngata Tirus. Nakava hamai nesuamo Ia rabanua. PatujuNa ala ledo rasani ntodea, tapi kakavaNa haitu ledo namala nitabuniaka.

Markus 7:31

Naupu haitu nalaimo i Yesus lako ri bagia Tirus, bo nipapolaNamo polipaNa noliu ngata Sidon hau ri Rano Galilea pade noliu ri bagia Sapulu Ngata.

Markus 8:22

Naupu sia, hau ira sampe nakava ri ngata Betsaida. Hamai naria tona nanggeni saito langgai naburo ka i Yesus. Ira nerapi mpuu ala i Yesus mantui mata ntoburo haitu bo mompakabelo matana.

Lukas 4:26

Naupa ivesia, Nabi Elia ledo nitudu nu Alatala hau mantulungi timbala ntoYahudi. Aga nituduNa hau ri ngata Sarfat napara ngata Sidon mantulungi saito timbala ledo toYahudi.

Lukas 6:17

Naupu i Yesus nompelisi anaguruNa, notuamo Ia nosanggani-nggani ante ana-anaguruNa lako ri bulu haitu. Tempo ira natudu ri lembana, nadea mpuu topeoseaka ntanina nompopea ri sia bo nadea muni tona neonga lako ri umba-umba ri bagia Yudea, lako ri ngata Yerusalem, lako ri ngata Tirus bo Sidon ri tinggi ntasi.

Lukas 9:10

Naupu ana-anaguru i Yesus nompatolele Kareba Belo bo nompakabelo tona nadua, nanjilimo ira. Bo pura-pura anu nipoviara hamai, nitesara ka i Yesus. Naupu haitu, ira niunaka i Yesus hau nompatani ri sangu ngata nosanga Betsaida.

Yohanes 1:44

I Filipus haitu tona lako ri ngata Betsaida, haitumo ngata ponturo i Andreas bo i Petrus.

Yohanes 12:21

Ira nakava nangulika i Filipus, “Ane mamala, kami madota mosinggava nte i Yesus.” (I Filipus haitu tona lako ri ngata Betsaida ri bagia Galilea.)

Suro-Suro 12:20

Magau Herodes narau mpuu ka tupu ngata Tirus bo Sidon. Jadi tupu nu ngata randua haitu nasintuvu nantudu tona hau merapi mosinggabelo ante i Herodes, sabana ngatara haitu nanjarumaka kandea lako ri bagia poparenta i Herodes. Pamulana ira nombatinarasi saito topotulungi nosanga i Blastus, anu nombaurusi banua Magau Herodes, sampe ia mosabingga ka ira. Naupu haitu hau ira nantingayo Magau Herodes merapi mosinggabelo.

Suro-Suro 27:3

Kamailena haitu, kapala kami nesampo ri ngata Sidon. I Yulius nabelo mpuu nte i Paulus, sampe nidekeina i Paulus hau nanggita roa-roana ri ngata Sidon ala mamala radekeira ka ia bara nuapa raparaluuna.

Yudas 1:11

Mandasa mpuu ira! Nipasialara katuvu i Kain nggaulu anu nasiriati bo navuu matana nte tueina. Nipasialara ntoto sala i Bileam anu nasadia movia nuapa-nuapa asaa manggava doi. Bo pangevara Alatala nasimbayu mpo peeva i Korah nggaulu, sampe ira muni masipato rahuku nu Alatala.

Pompakita 11:3

Tempona haitu Kusuro randua tona mompasimbayu tesaKu. Ira mompake baju nipovia lako ri karu mpo tona nasusa rarana, bo ira mompasimbayu tesaKu talu-mpae santanga kasaena.”

Pompakita 6:12

Naupu sia, nikitaku Ana Bimba nombabuka populu kaaonona. NibukaNapa, nalingu mbasomo bo mata nu eo najadi navuri mpo karu vuri. Bo bula najadi nalei njumangu mpo raa.