Matius 11:20 - Kaili Ledo

²⁰ Naupu haitu i Yesus nangonteaka tupu ngata ledo najea lako ri dosara naupa nadeapa kabaraka nipoviaNa ri ngatara haitu.

Matius 11:20 ပူးပေါင်းရင်းမြစ်များ

Matius 12:41

Ri Eo Potangara bara maipia, tupu ngata Niniwe rapakatuvu mpanjili mosanggani-nggani ante komiu anu natuvu sii-sii. Bo ira mombasalai pokainggumiu sabana ira najeamo nangepe tesa Nabi Yunus. Sii-sii naria saito ri tatangamiu naogepa pade Nabi Yunus tapi ledo nadota komiu momparasaya tesaNa.

Markus 16:14

Naupu haitu, i Yesus nompopakita karoNa ka sapulu saitopa anaguruNa tempo ira nonturo nangande nosanggani-nggani. NionteakaNa ira sabana nakura pomparasayara bo nakaa bagara sampe ledo nadota nomparasaya tesa nu roara anu nanggita Ia natuvu mpanjili.

Markus 9:19

Jadi nanguli i Yesus ka ira, <>

Suro-Suro 17:20

apa komiu nompatolele pepatuduki ntanina lako ri ntanina anu niepe kami. Jadi kami madota mangisani batuana.”

2 Korintus 12:21

Nakini raraku ane tou nte komiu vai yaku, Alatala mompakaeya yaku ri ngayomiu, bo yaku motumangi ri ngayomiu sabana madea komiu anu nadosa bara ipia dopa najea lako ri pokainggura nadaa bo nabuga. Bara maria da nompogau tona ledo bereina mboto, bara movia anu ledo ntoto masipato mpo anu nabiasa nipoviara bara ipia.

Yakobus 1:5

Ane makura noto pompekirimiu, perapimo lako nte Alatala. Bo radekeiNa pompekiri nanoto niperapimiu, sabana najoi raraNa nombadekei noto ka pura-pura tona. Ledo ntoto natove raraNa.

Pompakita 16:11

Ira nombasalai Alatala anu naria ri suruga sabana nadua mpuu nirasaira bo nadaa mpuu bisu-bisu ri karora. Tapi ira ledo najea lako ri pokainggura nadaa.

Pompakita 16:9

Manusia gahaitu nipakaboa pane nu mata eo. Bo ira nombasalai Alatala sabana Iamo nomparenta pepandasa haitu rapambela ka ira. Tapi ira ledo ntoto nadota majea lako ri poviara nadaa, ira ledo nadota mombabila bo mombatoiya kaoge nu Alatala.

Pompakita 2:21

NidekeiKumo loga ka ia majea lako ri pokaingguna nadaa haitu, tapi ia ledo ntoto nadota majea.