Matius 11:2 - Kaili Ledo

² Tempo haitu i Yohanes Topediu nitarunggu. Ri tarunggu niepena lelena mpengaya-ngaya anu nipovia i Kristus. Jadi nituduna bara sako-ndua anaguruna hau mompekutana nte i Yesus ivei:

Matius 11:2 ပူးပေါင်းရင်းမြစ်များ

Matius 1:17

Jadi lako nte i Abraham sampe Magau Daud naria sapulu pata-ntapi mulina. Bo lako ri Daud sampe ri tempo toYahudi nikeni mpalai hau ri tana Babel naria sapulu pata-ntapi muni. Bo lako ri tempo toYahudi nikeni hau ri tana Babel sampe pompoanaka i Kristus naria sapulu pata-ntapi muni.

Matius 14:3

Iveimo tesa kamate i Yohanes Topediu: Bara sakuya kasaena dopame haitu, Magau Herodes nangagosi berei sampesuvuna mboto, haitumo i Herodias, berei i Filipus. I Yohanes Topediu nasaro nangonteaka Magau Herodes nanguli, “Ledo masipato komiu mompoberei eramiu mboto! Pokainggumiu haitu nombaliunaka Atura nu Alatala.” Jadi i Herodes nantudu tona mombasaka i Yohanes bo mombatipunggu ia bo mombasuaraka ia riara ntarunggu.

Matius 4:12

Naupu sia i Yohanes Topediu nitarunggu. Niepe i Yesuspa karebana, nanjilimo Ia hau ri bagia Galilea.

Matius 9:14

Naupu sia, bara sako-ndua topangoseaka i Yohanes Topediu nakava nte i Yesus. Nekutanamo ira, “Kami bo toFarisi nasaro nopuasa nangoseaka ada-ada agamata. Nuapa sabana anaguruMiu ledo nopuasa?”

Markus 6:17

Magau Herodes nanguli ivesia sabana anu najadi bara ipia nte i Herodias. Magau Herodes nompoberei i Herodias, nau kakanana i Herodias berei i Filipus, tuaka Magau Herodes mboto. Mpendua nggani i Yohanes Topediu nangonteaka Magau Herodes ivei: <> Jadi Magau Herodes nombatudu tona nombasaka i Yohanes, bo nirantera ia bo nisuarakara riara ntarunggu.

Lukas 3:19

Naria sanggani i Yohanes nangonteaka Magau Herodes anu nomparenta ri bagia Galilea, sabana mpengaya-ngaya anu nadaa nipoviana. Nionteakana apa i Herodes nangala i Herodias bo nipobereisina. I Herodias erana mboto, berei ntuakana.

Lukas 9:7

Magau Herodes Antipas anu nomparenta ri bagia Galilea, nangepe lelena pura-pura kajadia haitu. Naingu rarana, sabana tona nanguli i Yohanes Topediu natuvu mpanjilimo.

Yohanes 4:1

ToFarisi nangepe lelena nadeamo tona hau nekidiu nte i Yesus ala majadi topangoseaka Ia sampe nadeapa topangoseaka i Yesus pade i Yohanes Topediu.