Matius 10:27 - Kaili Ledo

²⁷ Pura-pura anu nitesaKu nggalino ka komiu, kana ratesamiu ri ngayo ntodea, bo anu nipanggalivayaKu ri talingamiu kana rapatolelemiu ka todea!

Matius 10:27 ပူးပေါင်းရင်းမြစ်များ

Matius 24:17

Isema-sema nangosanaka ri savaliku nu banuana, tumo mesua rabanua mangala bara nuapa-nuapa. Palaimo masalisa!

Lukas 12:3

Jadi anu nitesamiu bongina, raepe ntona eona. Bo anu nipanggalivayakamiu ka roa riara ntombi, rapatolele ka todea ri savalikuna!”

Lukas 8:10

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu. Tapi tona ntanina aga nipatuduki ante porapa ala ‘rapariara, tapi nau rapeintara ledo rasanira nuapa najadi, bo nau raepera ledo rasanira batuana.’

Yohanes 16:1

I Yesus nompapola tesaNa ka ana-anaguruNa ivei: “Pura-pura haitu niuliKu ka komiu ala komiu ledo moura momparasaya.

Yohanes 16:13

Tapi ane makavamo Nosa Gasa haitu, Iamo mompopaisani ka komiu pura-pura anu nakana. Ia ledo motesa nangoseaka dotaNa mboto. Tapi anu niepeNa lako nte TuamaKu, haitumo ratesaNa. Bo ratesaNa ka komiu muni anu majadi ri tempo makava.

Yohanes 16:25

“Tesa niuliKu ka komiu hitu aga nijalili. Tapi makava tempona domo Kujalili ka komiu, tapi Kutovontoomo motesaki TuamaKu ka komiu.

Yohanes 16:29

Bo nangulimo anaguruNa ka Ia, “Hitupa nitovontooMiumo notesa ka kami, domo aga nijaliliMiu.

Suro-Suro 17:17

Jadi, ri banua petupu, ia nosinjula tesa ante toYahudi bo tona ntanina anu nombasomba Alatala. Ivesia muni ri potomu, eo-eo ia nosinjula tesa ante isema-sema naria ri sia.

Suro-Suro 5:20

“Koimo, peangga ri doyata Banua nu Alatala bo patolelemo ka todea kareba katuvu nabaru.”

Suro-Suro 5:28

“Komiu nitagi kami bara ipia, nee mpuu mompatolele pepatuduki i Yesus. Tapi ledo nepangala komiu, aga nggosena nipatolelemiu pepatuduki haitu ri njumangu ngata Yerusalem, bo niulimiu muni, i Yesus haitu namate nipatesi kami!”

2 Korintus 3:12

Kami nanjarumaka pojanji nu Alatala anu nabaru, anu ledo mabali-bali. Haitumo sampe kami nabia mpuu nompatolele Kareba Belo.