Matius 10:26 - Kaili Ledo

²⁶ “Tapi nau rasalai ntona komiu, nee maeka nte tona mangeva komiu. Apa pura-pura anu nakana, anu nitabuniaka sii-sii kana malanto rakita ngena. Pura-pura rahasia sii-sii kana rasani ntonamo bara maipia.

Matius 10:26 ပူးပေါင်းရင်းမြစ်များ

Matius 10:28

Nee maeka nte tona madota mompatesi komiu. Ira mamala mompatesi karomiu tapi ledo ria kuasara mombanavusaka komiu ri narakaa. Aginapa komiu maeka nte Alatala sabana Iamo nakuasa mompatesi karomiu bo Ia muni nakuasa mombahuku komiu riara narakaa.

Markus 4:22

Haitu nogambara ka kita, pura-pura anu nitabuniaka sii-sii kana rapakalanto ngena, bo pura-pura anu dopa nisani ntona sii-sii kana rasani ntona pura bara maipia.

Lukas 24:47

Kareba Belo kana rapatolele ka pura-pura manusia; ala ira majea lako ri dosara bo Alatala mombaampungi ira sabana anu nipovia nu Magau Topepakasalama. Kareba haitu kana rapatolele mompamula lako ri ngata Yerusalem hitu sampe ri njumangu dunia.

Lukas 8:17

Pura-pura anu nitabuniaka sii-sii kana rapopakita ngena, bo anu dopa nisani sii-sii kana rapopaisani ngena.

Suro-Suro 1:8

Tapi komiu manggava kuasa ane Nosa Gasa nu Alatala manau nte komiu. Bo komiu mompatolele karebaKu ka tona ri ngata Yerusalem, ri bagia Yudea bo Samaria, sampe ri njumangu dunia.”

Suro-Suro 4:13

Topolibu haitu nokumaa pura-pura nanggita kabia i Petrus bo i Yohanes notesa, nemopa nisanira randua suro haitu aga tona biasa anu ledo nosikola nalanga. Lako rahaitu nisanira mpuumo randua suro haitu nosamporoa nte i Yesus bara ipia.

Suro-Suro 4:19

Tapi nesana i Petrus bo i Yohanes, “Pekirimiu mbotomo mbana masipato rapovia kami ri panggita nu Alatala, mangoseaka parentamiu atau mangoseaka parenta nu Alatala.

1 Korintus 4:5

Jadi nee komiu masalisa mompakatantu sala ntona ane dopa nakava tempona. Popea sampe i Pue Yesus makava mpanjili ri dunia. Iamo mompakalanto pura-pura anu nitabuniaka ri kalandana sii-sii. Iamo mompakalanto mpengaya-ngaya patuju nitabuniaka riara ntai manusia. Ri tempo haitu, Alatala mombatoiya isema-sema masipato ratoiyaNa.

1 Petrus 3:14

Tapi nau komiu mombarasai kasusa sabana pokainggumiu nabelo, mauntu mpuumo komiu! Nee maeka ka tona, bo nee makini raramiu.