Matius 10:25 - Kaili Ledo

²⁵ Kana maosa rara anaguru ane ia manjava guruna bo kana maosa rara batua manjava madikana. Iyapa Yaku Gurumiu, niuli ntona i Beelzebul, Magau nu Seta, nemopa komiu anu najadi ana-ana riara banuaKu. Komiu muni kana rasalaira.”

Matius 10:25 ပူးပေါင်းရင်းမြစ်များ

Matius 12:24

Tapi tempo toFarisi nangepe tesa ntodea haitu, nesana ira, “Bai! Kuasa ntona haitu lako nte i Beelzebul, Magau nu Seta. Haitu sampe Ia nakuasa nompopalai seta-seta.”

Matius 12:27

Pangulimiu Yaku nompopalai seta ante kuasa i Beelzebul, Magau nu Seta. Tapi naria muni ana-anagurumiu mboto nompopalai seta-seta. Uli ka Yaku, ante kuasa isema nipopalaira seta-seta? Natantu ante kuasa nu Alatala! Jadi povia nu anagurumiu mboto nompakalanto peraimiu tutu nasala!

Matius 9:34

Tapi nanguli toFarisi hamai, “Bai! Tona hitu aga nompopalai seta ante kuasa lako nte Magau nu Seta mboto!”

Markus 10:39

Nesana ira, <> Nangulimo Yesus ka ira, <

Markus 3:22

Nangulimo guru-guru agama nakava lako ri ngata Yerusalem ivei: <>

Lukas 11:15

Tapi naria muni sanu nanguli, “Ia namala nompopalai seta ante kuasa lako nte i Beelzebul, Magau nu Seta.”

Lukas 11:18

Ivesia muni Magau nu Seta. Ane seta-setana mosipobali, tantu mageromo kamagauana. NiuliKu ivesia, sabana niulimiu Yaku nompopalai seta ante kuasa lako nte i Beelzebul, Magau nu Seta. Tapi ledo nakana. Natantu Magau nu Seta ledo madota mompopalai seta-setana mboto.

Lukas 11:19

Naria muni ana-anagurumiu mboto nompopalai seta-seta. Uli ka Yaku, ante kuasa isema nipopalaira seta-seta? Natantu ante kuasa nu Alatala! Jadi povia nu anagurumiu mboto nompakalanto peraimiu tutu nasala!

Yohanes 10:20

Nadea ira nanguli, “Ia haitu nipesua nu seta! Nagila ntotomo Ia! Rapokuya raepeta tesaNa?”

Yohanes 7:20

Nesanamo tona dea haitu, “Iko nipesua nu seta! Isema nompasimbuku mompatesi Iko?”

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!