Matius 10:23 - Kaili Ledo

²³ Ane komiu rapandasa ntona ri sangu ngata, palaimo hau ri ngata ntanina. Pariaramo tesaKu hitu. Yaku, Ana nu Manusia kana makava mpanjili dopame maupu rakenimiu Kareba Belo ka pura-pura ngata ri tana Israel.

Matius 10:23 ပူးပေါင်းရင်းမြစ်များ

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

Matius 2:13

Nalaipa tona lako ri mpandakena, nakavamo saito malaeka nTupu riara pangipi i Yusuf bo nanguli, “Pembangumo, kenimo ngana ntali tina haitu masalisa hau ri tana Mesir, sabana Magau Herodes mangelo ngana haitu rapatesina. Ponturomo hamai sampe yaku makava vai nte iko.”

Matius 23:34

Pariaramo! Kutudu nabi-nabi bo tona nanoto bo guru-guru tou mompatuduki tesaKu ka komiu. Sanu rapatesimiu, sanu rapakumiu ri kayu salib, bo sanupa racambumiu riara banua-banua petupumiu. Bo sanupa raraga-ragamiu lako ri sangu ngata hau ri ngata ntanina.

Matius 23:36

Pariaramo tesaKu hitu! Komiu natuvu sii-sii rahuku sabana pura-pura anu nadaa nipovia ntotuamiu nggaulu!”

Matius 24:27

Sabana tempo Yaku, Ana nu Manusia, makava mpanjili, kakavaKu malanto rakita ri umba-umba ri dunia, nasimbayu mpo kila novende ri mpandakena bo nevanta sampe ri kasolona.

Matius 24:30

Ri tempo haitu meumba tanda ri langi mompakalanto kakavaKu, Ana nu Manusia. Bo pura-pura manusia ri dunia motumangi ante eka nu rara, ane rakitara Yaku, Ana nu Manusia, manau riara kulimu ante kuasaKu bo kaogeKu nipokumaaka.

Matius 24:34

Pariaramo tesaKu hitu! Dopame mamate pura-pura tona natuvu sii-sii, kajadia-kajadia nitesaKu pangane majadimo.

Matius 24:48

Tapi mandasa mpuu ane batua haitu madaa pokaingguna bo nipekirina riara ntaina ivei: ‘Wee! Da masaepa pade manjili madikaku.’

Matius 25:13

I Yesus nompakaupu porapaNa ivei: “Haitu sampe komiu kana mainga-inga, apa ledo nisanimiu eona atau jaana Yaku makava.”

Matius 26:64

Nesana i Yesus, “Nakana niulimiu tu. Pariaramo! Kana makava tempona bara maipia rakitamiu Yaku, Ana nu Manusia, monturo ri sabingga nggana nu Alatala toNeliu KakuasaNa, bo rakitamiu Yaku manau lako ri suruga riara kulimu.”

Matius 4:12

Naupu sia i Yohanes Topediu nitarunggu. Niepe i Yesuspa karebana, nanjilimo Ia hau ri bagia Galilea.

Markus 13:26

Bo ri tempo haitu pura-pura manusia ri dunia manggita Yaku, Ana nu Manusia, manau riara kulimu. Bo rakitara kaogeKu bo kuasaKu nipokumaaka.

Lukas 18:8

Parasayamo: masalisa ratulungiNa ira. Tapi tempo Yaku, Ana nu Manusia makava mpanjili ri dunia hitu, da mariapa tona mpuu-mpuu momparasaya Yaku?”

Lukas 21:27

Maupu haitu, rakitaramo Yaku, Ana nu Manusia, manau riara kulimu. Bo rakitaramo kuasaKu bo kaogeKu nipokumaaka.

Yohanes 7:1

Naupu haitu, i Yesus hau nompesayo ngata-ngata ri bagia Galilea. Domo nadota Ia hau ri bagia Yudea sabana pakeni-pakeni ntoYahudi hamai da nangelo dala mompatesi Ia.

Suro-Suro 17:10

Bongina haitu topomparasaya ri ngata Tesalonika nantudu i Paulus bo i Silas hau ri ngata Berea. Nakava sumai, hau ira nesua ri banua petupu ntoYahudi.

Suro-Suro 17:14

Jadi topomparasaya ri ngata Berea nasalisa nanggeni i Paulus nesuvu lako ri ngata Berea hau ri bivi ntalinti. Tapi i Silas bo i Timotius da naboli ri ngata Berea.

Suro-Suro 20:1

Nalinopa kagado ri ngata Efesus, i Paulus nompasiromu topomparasaya ri sia bo notesa nompakaroso rarara. Naupu sia, ia nopalakanamo pade nipapolana polipana hau ri propinsi Makedonia.

Suro-Suro 8:1

I Saulus nadamba apa i Stefanus nipatesira. Nompamula eo haitu todea topangoseaka i Yesus ri ngata Yerusalem mpuu-mpuu nipandasa ntoYahudi sampe ira nasimpotare hau ri njumangu ngata ri bagia Yudea bo Samaria. Aga suro-suro i Yesus ledo nalai.