Matius 10:20 - Kaili Ledo

²⁰ Bo tesa-tesa raulimiu ledo tesa lako ri pekirimiu mboto, tapi tesa lako nte Nosa Gasa nTuamamiu Alatala. Iamo mokarajaa riara ntaimiu mompakalanto tesa nuapa masipato ratesamiu.

Matius 10:20 ပူးပေါင်းရင်းမြစ်များ

Matius 6:32

Haitu puramo nielo ntona anu ledo nosisani ante Alatala. Tapi ledo paraluu makini raramiu sabana pura-pura anu niparaluumiu haitu nisani nu Alatala, Tuamamiu ri suruga.

Markus 12:36

Magau Daud mboto notesaki Magau Topepakasalama ante pekeniaka Nosa Gasa, ivei: Tupu nanguli ka Pueku, Mazmur 110:1

Lukas 11:13

Naupa komiu tona nadosa, nisanimiu nombadekei anu nabelo ka anamiu. Nemopa Tuamata ri suruga. Ia mpuu-mpuu mombadekei Nosa GasaNa ka isema-sema merapi nte Ia.”

Lukas 12:12

Apa tempo haitu, Nosa Gasa nu Alatala mboto mompatuduki ka komiu nuapa masipato raulimiu.”

Lukas 21:15

Apa Yaku mboto mombadekei ka komiu tesa-tesa bo noto mpekiri sampe ledo maria saitoa balimiu mompakule mombadagi bara mombabali tesamiu.

Suro-Suro 13:9

Tapi i Saulus, anu nidae muni i Paulus, nikeniaka Nosa Gasa nu Alatala. Nikanotosina toposibalimata haitu,

Suro-Suro 2:4

Ira pura-pura nikuasai Nosa Gasa nu Alatala bo nompamulamo notesa ante mpengaya basa ntanina nisovadakara nangoseaka anu nidekei nu Nosa Gasa ka ira.

Suro-Suro 28:25

Kaupuna, nipalaisiramo ponturo haitu apa da nosisalapa panggavara ante pepatuduki i Paulus. Tapi dopame ira nalai, i Paulus nanguli ka ira, “Nakana ntoto Tesa Nosa Gasa nu Alatala anu nipasimbayu Nabi Yesaya ka totuata nggaulu ivei:

Suro-Suro 4:8

Jadi i Petrus nikuasai nu Nosa Gasa nu Alatala, bo nesanamo ia, “Totua-totua, pakeni ntodea bo pakeni agama.

Suro-Suro 6:10

Tapi ledo nipakulera nombasapu anu niuli i Stefanus, sabana Nosa Gasa nu Alatala nombadekei kapande ka ia notesa.

2 Korintus 13:3

Niperapimiu tandana yaku mpuu-mpuu niposuro i Kristus. Jadi ane kuhuku tona novia dosa rasanimiumo yaku mpuu-mpuu niposumba i Kristus! Sabana ane Ia mangonteaka komiu Ia ledo malente, tapi Ia mpuu-mpuu makuasa.

1 Tesalonika 2:13

Naria sangayapa ntanina sampe kami nasaro notarima kasi nte Alatala. Sabana, tempo komiu nantarima Tesa nu Alatala nipatolele kami ka komiu, ledo nirekemiu aga tesa nu manusia. Tesa haitu nitarimamiu mpo tesa lako nte Alatala mboto. Bo tesa haitu mpuu-mpuu tesa nu Alatala anu nokarajaa riara nggatuvumiu topomparasaya i Kristus.

1 Petrus 1:12

Bo Alatala nompakalanto ka ira anu nibotora haitu ledo nosinggambela ante ira mboto tapi nosinggambela ante komiu anu natuvu sii-sii. Kajadia-kajadia nibotora haitu, nipatolele ntopanggeni Kareba Belo ka komiu sii-sii. Nikenira kareba haitu ante petulungi Nosa Gasa nu Alatala, anu nipopanau lako ri suruga. Kakanana malaeka-malaeka nTupu mboto nadota mangisani batuana kajadia-kajadia pangane anu nipatolele ka komiu.

2 Petrus 1:21

Apa nabi-nabi nombaboto tesa ledo nangoseaka dota nu manusia. Tapi Nosa Gasa nu Alatala nombakuasai tona ala rapasimbayura tesa lako nte Alatala mboto.