Matius 10:17 - Kaili Ledo

¹⁷ Komiu kana mainga apa komiu rasaka ntona bo rakeni rapangadu ri ngayo ntopotangara. Bo komiu raboba riara banua-banua petupu.

Matius 10:17 ပူးပေါင်းရင်းမြစ်များ

Matius 10:18

Komiu rakeni ri ngayo gubernur-gubernur bo magau-magau sabana komiu nomparasaya Yaku. Haitumo loga nabelo ka komiu motesa pomparasayamiu Yaku ka ira bo ka tona ntanina anu ledo toYahudi.

Matius 20:19

Maupu haitu Yaku radekeira ka tona ledo toYahudi. Bo Yaku rapongei-ngeikara bo racambu pakandasa, bo kaupuna Yaku rapaku ri kayu salib sampe mamate. Tapi ri eo katataluna Yaku rapakatuvu mpanjili.”

Matius 23:34

Pariaramo! Kutudu nabi-nabi bo tona nanoto bo guru-guru tou mompatuduki tesaKu ka komiu. Sanu rapatesimiu, sanu rapakumiu ri kayu salib, bo sanupa racambumiu riara banua-banua petupumiu. Bo sanupa raraga-ragamiu lako ri sangu ngata hau ri ngata ntanina.

Matius 26:59

Tempo haitu balengga-balengga ntopanggeni pesomba bo pura-pura topolibu ntanina ri Polibu Mbaso Agama Yahudi nompasimbuku mangelo tona nasadia mosabi dava ala i Yesus mamala rahuku mate.

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Markus 13:12

Bo tempona haitu muni maria tona mombadekei sampesuvuna mboto rapatesi sabana sampesuvuna nomparasaya Yaku. Bo maria totua mombadekei anana mboto rapatesi. Ngana-ngana mangeva tina tuamara mboto bo mombadekei ira rapatesi.

Markus 13:9

Komiu kana mainga-inga sabana komiu rasaka bo rakeni rapangadu ri ngayo ntopotangara. Komiu raboba riara banua-banua petupu bo rakeni rapoposintingayoka gubernur-gubernur bo magau-magau sabana komiu nomparasaya Yaku. Bo haitumo loga ka komiu motesa pomparasayamiu Yaku ka ira.

Lukas 12:11

Ane komiu rakeni ntona ri ngayo ntopotangara ri banua petupu, atau ri ngayo pomarenta sabana komiu nangoseaka Yaku, nee makini raramiu mompekirika nuapa raulimiu mombasaliku karomiu.

Yohanes 11:47

Jadi balengga-balengga ntopanggeni pesomba bo toFarisi nompasiromu toPolibu Mbaso Agama Yahudi. Niulira ka topolibu anu nasiromu haitu, “Nuapa masipato rapoviata? Nadea mpuu kabaraka nipovia ntona haitu.

Yohanes 16:2

Komiu domo radekei metupu ri banua petupu ntoYahudi. Bo makava tempona topompatesi komiu rasarumakara poviara haitu mompakadamba rara nu Alatala.

Suro-Suro 17:14

Jadi topomparasaya ri ngata Berea nasalisa nanggeni i Paulus nesuvu lako ri ngata Berea hau ri bivi ntalinti. Tapi i Silas bo i Timotius da naboli ri ngata Berea.

Suro-Suro 22:19

Tapi nesana yaku, ‘Pue, kana ratarimara tesaku, apa nisanira poviaku bara ipia. Nisanira yaku nesua ri banua-banua petupu nesaka, neboba, bo nombasuaraka topomparasaya Komiu riara ntarunggu.

Suro-Suro 26:11

Nadea ngganimo yaku nompandasa ira riara banua petupu. Nipasimbukuku nobarusu ira ala domo raoseakara i Yesus. Nagigi mpuu raraku nompekirika ira sampe yaku hau nangelo ira ri ngata-ngata nakavao.”

Suro-Suro 9:2

bo nerapi sura kuasa rakenikana ka pakeni agama ri banua petupu ntoYahudi ri ngata Damsyik. Patujuna, ane rakavana topangoseaka Pepatuduki i Yesus, bara langgai bara mombine, rasakana bo rakenina hau ratangara ri ngata Yerusalem.

Filipi 3:2

Komiu kana mainga nte tona manggeni pepatuduki nadaa, anu noinggu mpo asu nasoa. Ira madota mompasuu komiu rasuna nangoseaka atura i Musa. Pangulira kita kana rasuna ala mpuu-mpuu manoa ri panggita nu Alatala. Nee raparasayamiu!

2 Timotius 4:15

Iko mboto kana mainga nte ia sabana nievana mpuu pepatudukita.

Ibrani 11:36

Naria muni tona nipongei-ngeika bo nicambu pakandasa, bo naria tona nibalanggu bo nisuaraka riara ntarunggu.