Markus 9:44 - Kaili Ledo

⁴⁴ [Hamai tona bate-batena rakande nggaule bo rapandasa nu apu.]

Markus 9:44 ပူးပေါင်းရင်းမြစ်များ

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 25:46

Bo i Yesus nompakaupu tesaNa ante nanguli, “Pura-pura tona nadaa haitu rahuku sampe ri kasae-saena. Tapi tona nanoa, matuvu mabelo sampe ri kasae-saena.”

Matius 3:12

Ia nasimbayu eva tona novaro pae. Nasadiamo Ia ante tapi ri paleNa bo ravarona paeNa sampe magasa. Pae naisi raboliNa riara gampiriNa, tapi meena rapalabusiNa riara apu anu ledo mapaya-paya.”

Markus 9:43

Ane rapana palemiu manggeni komiu movia dosa, tampasimo palemiu haitu! Aginapa komiu matuvu nte Alatala ri suruga ante palemiu sabingga, pade komiu ratedaka ante pale robingga hau ri narakaa, riara apu anu ledo mapaya-paya.

Markus 9:45

Bo ane rapana kadamiu manggeni komiu movia dosa, tampasimo kadamiu haitu! Aginapa komiu matuvu nte Alatala ri suruga ante kada sanggada pade ratedeaka riara narakaa ante kadamiu ronggada.

Markus 9:48

Hamai tona bate-batena rakande nggaule bo rapandasa nu apu.

2 Tesalonika 1:9

Tona haitu rahuku nu Alatala sampe ri kasae-saena. Ira rapopogaa lako nte i Pue Yesus bo ledo rarasaira kaoge nu kuasaNa.

Pompakita 14:10

tona haitu rapokarau nu Alatala bo ledo ntoto rakurangiNa pehuku ka ira! Pehuku haitu nirapaka tona nipainu panginu napai mpuu, bo ledo niposigalo ante uve! Ira pura-pura rapandasa riara apu bo vatu-vatu colonggata narega ri panggita malaeka-malaeka nagasa bo Ana Bimba.

Pompakita 20:10

Maupu haitu Magau nu Seta anu nombabagiu ira ratedaka riara ntasi apu navaya ante vatu-vatu colonggata narega. Haitumo ponturo nipotedaka binata nadaa bo nabi mpodava nokolu. Hamai, eo bongi ira rapandasa sampe ri kasae-saena.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”