Markus 9:43 - Kaili Ledo

⁴³ Ane rapana palemiu manggeni komiu movia dosa, tampasimo palemiu haitu! Aginapa komiu matuvu nte Alatala ri suruga ante palemiu sabingga, pade komiu ratedaka ante pale robingga hau ri narakaa, riara apu anu ledo mapaya-paya.

Markus 9:43 ပူးပေါင်းရင်းမြစ်များ

Matius 17:27

Tapi nau ivesia, nee kita mompakakodi rara ntona haitu. Agina komiu hau momeka ri rano. Alamo bau pamulana ramekamiu. Riara ngangana mukava sampeka doi anu magana rapombayari balasiteeta randua. Kenimo doi haitu bo bayarimo balasiteeta ka Banua nu Alatala.”

Matius 25:41

Maupu haitu Kuuli ka ira ri sabingga njidiKu, ‘Palaimo lako nte Yaku, komiu anu nihuku nTuamaKu! Koi hau riara apu anu navaya sampe ri kasae-saena nipakasadia ka Magau nu Seta ante malaeka-malaeka anu nangoseaka ia.

Matius 3:12

Ia nasimbayu eva tona novaro pae. Nasadiamo Ia ante tapi ri paleNa bo ravarona paeNa sampe magasa. Pae naisi raboliNa riara gampiriNa, tapi meena rapalabusiNa riara apu anu ledo mapaya-paya.”

Matius 5:22

Tapi Kuuli ka komiu, isema-sema narau rarana nte sampesuvuna masipato ratangara. Bo isema-sema nanjalai sampesuvuna masipato raposintingayo ri Polibu Mbaso Agama. Tapi isema-sema manguli ka sampesuvuna, ‘Kanavumo ri narakaa iko!’ ia haitumo masipato ratedaka riara apu narakaa.

Markus 9:44

[Hamai tona bate-batena rakande nggaule bo rapandasa nu apu.]

Lukas 14:13

Ane komiu movia posusa, gagamo tona napakasi, tona nakeru, tona napunggu bo tona naburo.

Lukas 14:21

Batua haitu nanjili manggeni tesara ka tupu nu posusa. Narau mpuu rara ntupu posusa, bo niulikana batuana pangane, ‘Koimo masalisa hau ri ngata, ri dala mbaso bo dala kodi, bo keni tumai tona napakasi, tona nakeru, tona naburo bo tona napunggu!’

Lukas 3:17

Ia nasimbayu mpo tona novaro pae. Nasadiamo Ia ante tapi ri paleNa mombavaro pura-pura paena sampe magasa. Pae naisi raboliNa riara gampiri, tapi meena rapalabusiNa ri mata nu apu ledo mapaya-paya.”

Roma 8:13

Sabana, ane kita matuvu mangoseaka dotata mboto nadaa, kita mamate bo rapopogaa lako nte Alatala. Tapi ane rakabasakata pokaingguta nadaa ante kuasa lako nte Nosa Gasa nu Alatala, kita matuvu mabelo sampe ri kasae-saena.

1 Korintus 9:27

Tapi yaku neguru nombakuasai karoku mboto ala ledo mangoseaka dota raraku nadaa, mbelaka maupu kupatolele Kareba Belo ka tona ntanina, yaku mboto ledo manggava hadia.

Galatia 5:24

Isema-sema nosangu rara ante i Yesus Kristus, nireke dota rarara nadaa namate nosanggani-nggani nte i Kristus tempo Ia nipaku ri kayu salib. Batuana, ira domo nikuasai dota rarara nadaa.

Kolose 3:5

Sabana haitu, kabasakamo pokainggu-pokainggu anu nopuna lako ri dunia nadaa hitu. Nee mosipogau ante tona ledo bereimiu mboto, nee movia pokainggu anu ledo masipato, nee mangoseaka dota raramiu nabuga bo dota-dota ntanina anu nadaa. Bo nee muni maoge rara manggava melabipa pade tona ntanina, sabana anu nipooge rarata haitumo najadi anu nisombata, bo haitu nasimbayu nte metupu nte tupu ntanina.

Titus 2:12

Lako ri kabelo raraNa, kita nipatudukiNa mombakabasaka pokaingguta ledo nipokonoNa bo dota nu rarata nadaa. Bo kita nipatudukiNa majadi manoto, manoa, bo matuvu mangoseaka dotaNa ri dunia sii-sii.

Ibrani 12:1

Jadi namala raulita, pura-pura ira pangane nombatiku kita bo nompakaroso rarata ante posabira. Sabana haitu, kita muni kana mombatedaka pura-pura anu nompopekai rarata bo dosa anu nekantaka nte kita. Kita kana maroo rarata mangoseaka dala nipakatantu nu Alatala ka kita, nasimbayu mpo topangova ri posilumba.

1 Petrus 2:1

Sampesuvu-sampesuvu, nikavamiumo katuvu nabaru. Sabana haitu, tumo mokainggu nadaa. Nee modava. Nee aga mabelo ri sumba, nee masiriati bo nee mompakadaa tona ntanina.