Markus 9:41 - Kaili Ledo

⁴¹ Pariaramo tesaKu hitu! Isema-sema mombadekei uve inu ka komiu sabana komiu topangoseaka Yaku, ia kana manggava tambona bara maipia.>>

Markus 9:41 ပူးပေါင်းရင်းမြစ်များ

Matius 10:42

Bo isema-sema nombatulungi topangoseaka Yaku sabana ia mpuu-mpuu nangoseaka Yaku, tona haitu manggava tambona bara maipia. Pariaramo tesaKu hitu, nau aga mombadekei uve ranindi ka saito topangoseaka Yaku anu ledo ria nturona, ia kana manggava tambona.”

Matius 25:40

Bo Yaku, Magau, mesana, ‘Pariaramo tesaKu hitu! Belo nipoviamiu ka sampesuvu-sampesuvuKu hitu, nau tona naede panggana, haitu nasimbayu mpo belo nipoviamiu ka Yaku.’

Markus 4:10

Tempo i Yesus damo saitoNa, nakavamo ana-anaguruNa sapulu randua nosanggani-nggani ante tona ntanina anu nangepe porapa niuliNa pangane bo nipekutanara batuana porapa haitu.

Roma 14:15

Ane rapana yaku mompakadua rara roaku sampomparasaya sabana nikandeku anu nirekena nipopali, yaku muni madosa apa yaku natuvu ledo nompotove roa. Jadi nee sampe pomparasaya nu roa rapakagero sabana kandea nikandeta. Apa ira muni sampesuvuta sampomparasaya, anu nitoloki i Kristus ante kamateNa.

Roma 8:9

Tapi komiu domo nangoseaka dota raramiu nadaa. Komiu nangoseaka dota Nosa Gasa nu Alatala ane Nosa Gasa mpuu-mpuu nonturo riara ntaimiu. Isema-sema ledo ria Nosa Gasa i Kristus riara ntaina, ia ledo todea i Kristus.

1 Korintus 15:23

Tona namatemo kana rapakatuvu mpanjili nangoseaka sunjuna nipakatantu. I Kristus tona pamulana nipakatuvu mpanjili. Bo maliu haitu tona nosangu rara nte Ia rapakatuvuNa mpanjili tempo Ia makava mpanjili ri dunia.

1 Korintus 3:23

bo komiu bagia i Kristus, bo i Kristus bagia nu Alatala.

2 Korintus 10:7

Sampesuvu-sampesuvu, pekirikamo anu nikitamiu! Ane maria tona nanguli ia mpuu-mpuu bagia i Kristus, kana ratorana kami muni bagia i Kristus, nasimbayu mpo ia.

Galatia 3:29

Jadi ane komiu todea i Yesus Kristus, komiu muni muli-muli i Abraham. Bo komiu muni masipato mantarima anu nijanji nu Alatala ka i Abraham.

Galatia 5:24

Isema-sema nosangu rara ante i Yesus Kristus, nireke dota rarara nadaa namate nosanggani-nggani nte i Kristus tempo Ia nipaku ri kayu salib. Batuana, ira domo nikuasai dota rarara nadaa.