Markus 9:32 - Kaili Ledo

³² Tapi ledo nisanira batua ntesaNa haitu, bo naeka rarara mompekutana batuana nte Ia.

Markus 9:32 ပူးပေါင်းရင်းမြစ်များ

Markus 16:14

Naupu haitu, i Yesus nompopakita karoNa ka sapulu saitopa anaguruNa tempo ira nonturo nangande nosanggani-nggani. NionteakaNa ira sabana nakura pomparasayara bo nakaa bagara sampe ledo nadota nomparasaya tesa nu roara anu nanggita Ia natuvu mpanjili.

Markus 7:18

Nangulimo i Yesus ka ira, <

Markus 8:33

Tapi i Yesus neili nangganoto anaguruNa pura-pura, bo nituduNa i Petrus, <>

Markus 9:10

Niturusira pepaingaNa haitu, tapi ira mboto nosimpekutana nuapa patuju i Yesus nanguli matuvu mpanjili lako ri kamateNa.

Lukas 18:34

Pura-pura anu nitesa i Yesus haitu ledo nipaha nu anaguruNa. Batua ntesaNa haitu nitabuniaka ka ira. Jadi ledo nisanira nuapa nitesa i Yesus.

Lukas 2:50

Tapi ledo nisani ntina-tuamaNa nuapa batuana pesana i Yesus.

Lukas 24:45

NipakanotoNa pekirira ala rapakulera mombapaha isi Buku Gasa.

Lukas 9:45

Tapi ledo nisani nu anaguruNa batua ntesaNa. Batua nu tesa haitu nitabuniaka ala ledo rapahara. Bo ledo muni nabia ira nompekutana nuapa batua ntesaNa.

Yohanes 12:16

Jadi nibila ntodea mpuu i Yesus tempo Ia nesua riara ngata Yerusalem. Tapi dopa nisani nu ana-anaguruNa batuana. Naliu Ia natuvu mpanjili lako ri kamateNa bo neore hau ri suruga, pade nisanira pebila ntodea ka i Yesus nompakadupa anu nitulisi riara Buku Gasa pangane.

Yohanes 16:19

Nisani i Yesus ira madota mompekutana Ia. Jadi niulikaNa ira ivei: “NikitaKu komiu nosipekutana nuapa patuju ntesaKu pangane tempo niuliKu ‘Sampalaipa domo rapeintamiu Yaku bo ledo masae kaliuna haitu, rapeintamiu vaimo Yaku’.

Yohanes 4:27

Da ranja mpotesa ira, nakavamo ana-anaguru i Yesus lako riara ngata. Natekaja ira nanggita i Yesus notesa nte mombine haitu. Tapi ledo ria saitoa nabia nompekutana mombine haitu, “Nuapa paraluumu?” Ledo muni nabia ira nompekutana i Yesus, “Nuapa sabana Komiu notesa nte mombine haitu?”