Markus 9:24 - Kaili Ledo

²⁴ Kaliu-liu nongaremo tuama nu ngana haitu, <>

Markus 9:24 ပူးပေါင်းရင်းမြစ်များ

Markus 9:23

Nangulimo i Yesus ka ia, <>

Markus 9:25

I Yesus nanggita kasae-sae nantambaimo kadea ntona netagui, jadi nisalarakaNamo seta ante suara namangga ivei: <>

Lukas 17:5

Pade nanguli anaguruNa, “Pue, pakaroso pomparasaya kami.”

Lukas 7:38

Ia nakava nanggaparai kada i Yesus bo notumangi. Uve matana nombabanggasi kada i Yesus jadi nipaisina buluana sampe nabai, bo niekina bo nitolina lana vangi kada i Yesus.

Lukas 7:44

Pade neili i Yesus nompeinta mombine pangane bo niulikaNa i Simon, “Peintamo mombine hitu! Yaku nakava ri banuamu, ledo nipakasadiamu uve Kupotoposi kadaKu nangoseaka adata ka torata. Tapi mombine hitu notoposi kadaKu ante uve matana bo nipakabaina ante buluana.

Suro-Suro 10:19

I Petrus da nompekirika batuana anu nipopakita ka ia pangane, Nosa Gasa nu Alatala nanguli ka ia, “Petrus, naria tatalu tona nakava nompaelo iko.

Suro-Suro 10:31

Ia nanguli ka yaku ivei: ‘Kornelius! Posambayamu nitarima nu Alatalamo, bo nitoraNa kabelo raramu nantulungi tona napakasi.

2 Korintus 2:4

Tempo nitulisiku sura haitu ka komiu nasusa mpuu raraku, nantamo nirasaiku bo naoge uve mataku nesuvu. Patujuku notulisi sura haitu ledo mompakasusa raramiu, tapi ala rasanimiu kambaso toveku ka komiu pura-pura.

Efesus 2:8

Lako ri pomparasayamiu i Kristus, komiu nipakasalama sabana kabelo rara nu Alatala. Haitu ledo asele pompasimbukumiu mboto tapi pedekei nu Alatala bayangi.

Filipi 1:29

Apa Alatala nompaloga komiu nokarajaa nombatulungi i Kristus, haitumo, komiu ledo aga nipalogaNa momparasaya i Kristus, tapi nipalogaNa muni komiu mombarasai susa bo pari sabana komiu topomparasaya Ia.

2 Tesalonika 1:11

Haitu sampe kami nasaro nosambaya ka komiu. Kami merapi ala Alatala mombatulungi komiu ala pokainggumiu majadi masipato ka tona nipokio nu Alatala majadi todeaNa. Kami merapi Alatala mombatulungi komiu ante kuasaNa ala pura-pura niamiu movia anu nabelo majadi mpuu, bo pura-pura pokarajaa nipoviamiu sabana pomparasayamiu rapapolamiu sampe maupu.

2 Tesalonika 1:3

Sampesuvu-sampesuvu, kami kana masaro motarima kasi nte Alatala sabana komiu. Kami masipato motarima kasi sabana pomparasayamiu nte i Yesus nantambai karosona, bo nantambai posimpotovemiu.

2 Timotius 1:4

Nitoraku kasusa raramu tempo kita nogaa bara ipia, bo nalentora mpuu raraku manggita iko ala yaku mpuu-mpuu madamba.

Ibrani 12:17

Nisanimiu mbotomo, naupu sia, tempo ia nerapi kalumbuana haitu lako nte tuamana, ia nipoara ntuamana naupa niperapina nte tangi. Domo nikavana dala mombabaliki sala nipoviana.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

Ibrani 5:7

Tempo i Yesus da naria ri dunia Ia nosambaya ante buku rara bo nekakai nerapi tulungi nte Alatala anu nompakule mompakasalama Ia lako ri kamateNa. Bo posambayaNa niepe nu Alatala sabana Ia batena nekou nte Alatala bo ledo nangoseaka dotaNa mboto.