Markus 9:2 - Kaili Ledo

² Ono-mbongi kaliuna haitu, i Yesus nanggeni i Petrus, i Yakobus bo i Yohanes nosanggani-nggani nantende hau ri bulu nalanga. Aga i Yesus ante ira tatalu hamai. Tempo ira hamai, nikitara nabalimo lenje i Yesus ri ngayora.

Markus 9:2 ပူးပေါင်းရင်းမြစ်များ

Matius 14:13

Tempo i Yesus nangepe kareba i Herodes nangelo Ia, nipalaisiNa ponturo haitu. NipesaviNa sakaya bo hau saitoNa ri ponturo kalinona. Tapi niepe ntodea nalaimo i Yesus, ira muni nompalaisi ngata-ngatara bo hau nolipa ri kabatana mantuntuni Ia.

Markus 14:33

NikeniNa i Petrus, i Yakobus bo i Yohanes hau mosanggani nte Ia. Nasusa bo napari mpuu raraNa.

Markus 16:12

Naliu haitu i Yesus nompopakita karoNa ante lenje ntanina ka randua roaNa tempo ira nolipa hau ri ngata ntanina.

Markus 5:37

Bo ledo nidekei i Yesus tona dea mantuntuni Ia hau ri banua i Yairus. Aga i Petrus, i Yakobus bo i Yohanes nidekeiNa hau mosanggani nte Ia.

Lukas 6:12

Tempo haitu, i Yesus ante topangoseaka Ia hau nantende ri bulu. Nakava sumai Ia nosambaya ka Alatala njambongi ntua.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Roma 12:2

Domo rapasialamiu kabiasa ntona ledo nosisani nte Alatala. Dekeimo Alatala mompakabaru pekirimiu ala inggumiu mabali. Ane ivesia, rasanimiu mpuu-mpuu dota nu Alatala, haitumo, rasanimiu anu nabelo, anu nipokono nu Alatala, bo anu ledo nasala ri panggitaNa.

2 Korintus 13:1

Katalu-ngganikana hitu yaku makava nte komiu. Tempo yaku ri situ nte komiu karongganina bara ipia, nipopatoraku ka ira topovia dosa bo ka pura-pura tona ntanina, tumo rapovia dosa. Jadi hitupa nau yaku ledo ri situ nte komiu, kupopatora mpanjili ka komiu: tumo mpuu movia dosa! Riara Buku Gasa niuli ane maria tona nirai, kana maria randua atau tatalu sabi ala rasani kakanana, bara nasala ia bara ledo. Maupu sia pade mamala rahuku. Ane makava ri situ yaku bo komiu dopa nenonto novia nadaa, domo maasi mataku nanggita komiu tapi kuhuku mpuu!

Filipi 3:21

Tempo Ia makava, rabalikiNa karota nalente bo mamate, ala majadi masimbayu nte karoNa mboto anu nelabi kaogena bo ledo mamate. Namala rapoviaNa ivesia sabana kuasaNa naogepa pade pura-pura kuasa ntanina bo Iamo nombakuasai pura-pura anu naria.

Pompakita 20:11

Naupu haitu nikitaku sangu Gadera Kamagaua nabula bo nambaso. Bo nikitaku muni Toponturo ri Gadera haitu. Nariapa Ia ri sia, nalipo singganimo dunia, bo domo naria nikita.