Markus 8:8 - Kaili Ledo

⁸ Pura-pura tona nangande sampe nabosu. Naupu haitu anaguru i Yesus nompasiromu labi-labi nu roti bo bau nikandera haitu, pitu-tonda ponupa kadeana.

Markus 8:8 ပူးပေါင်းရင်းမြစ်များ

Matius 14:20

Nangande puramo ira sampe nabosu. Naupu haitu anaguruNa nompasiromu mpanjili labi kandea naboli, sapulu rotonda ponupa kadeana.

Matius 15:37

Pura-pura tona haitu nangande sampe nabosu. Naupu ira nangande, anaguru i Yesus nompasiromu labina nikande ntodea pangane, pitu-tonda ponupa kadeana.

Matius 16:10

Ledo nitoramiu pata-njobu tona nipakande ante pitu-angu roti? Ledo nitoramiu sako-tondapa labina nipasiromumiu?

Markus 8:9

Topangande haitu naria pata-njobu kadeana. Naupupa ira nangande nituduNa nanjilimo.

Lukas 1:53

Tona naara, nipakabosuNa sampe nabasa ante mpengaya anu nabelo. Bo tona nakalumana nipopalaiNa ante pale boa.

Yohanes 6:27

Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”