Markus 8:38 - Kaili Ledo

³⁸ Isema-sema maeya matana manguli ia topangoseaka Yaku bo maeya matana nte pepatudukiKu ri tatanga ntodea anu nadosa bo ledo natutu nangoseaka Alatala, Yaku muni maeya mataKu manguli ia topangoseaka Yaku tempo Yaku makava mpanjili. Apa Yaku, Ana nu Manusia, makava mpanjili ri dunia hitu ante reme bo kuasa nTuamaKu, mosanggani-nggani ante malaeka-malaeka nagasa!>>

Markus 8:38 ပူးပေါင်းရင်းမြစ်များ

Matius 12:39

Tapi nesana i Yesus, “Nadaa mpuu komiu natuvu sii-sii! Komiu ledo natutu nangoseaka Alatala! Komiu nerapi Kupovia tanda nabaraka. Tapi ledo maria tanda ntanina rapopakita ka komiu, aga tanda eva anu najadi nte Nabi Yunus nggaulu.

Matius 13:41

Yaku, Ana nu Manusia mombatudu malaeka-malaekaKu hau nte todea ri PoparentaKu mompasiromu pura-pura tona anu nompakanavu roa riara dosa bo pura-pura tona ntanina anu novia nadaa.

Matius 16:27

Jadi, oseakamo Yaku nau sampe mamate. Apa domo masae Yaku, Ana nu Manusia makava lako ri suruga ante kuasa bo reme lako nte TuamaKu, mosanggani-nggani ante malaeka-malaekaNa. Bo tempo haitu Kubalasi pura-pura tona nangoseaka pokaingguna.

Matius 16:28

Pariaramo tesaKu hitu! Naria bara sako-ndua komiu ri sii ledo mamate ane dopa rakitara Yaku, Ana nu Manusia, makava ri dunia hitu eva Magau.”

Matius 16:4

Nadaa mpuu komiu natuvu sii-sii! Komiu ledo natutu nangoseaka Alatala. Komiu nerapi ala Kupovia tanda rapokumaaka ntona. Tapi ledo ria sangua tanda rapopakita ka komiu, aga tanda eva anu najadi nte Nabi Yunus nggaulu.” Naupu haitu, nipalaisiNamo ira.

Matius 24:30

Ri tempo haitu meumba tanda ri langi mompakalanto kakavaKu, Ana nu Manusia. Bo pura-pura manusia ri dunia motumangi ante eka nu rara, ane rakitara Yaku, Ana nu Manusia, manau riara kulimu ante kuasaKu bo kaogeKu nipokumaaka.

Matius 25:31

“Tempo Yaku, Ana nu Manusia makava mpanjili ri dunia ante reme bo kuasaKu, nosanggani-nggani ante malaeka-malaekaKu, Yaku monturo ri Gadera PoparentaKu mombatangara mpo Magau.

Matius 26:64

Nesana i Yesus, “Nakana niulimiu tu. Pariaramo! Kana makava tempona bara maipia rakitamiu Yaku, Ana nu Manusia, monturo ri sabingga nggana nu Alatala toNeliu KakuasaNa, bo rakitamiu Yaku manau lako ri suruga riara kulimu.”

Matius 8:20

Nesana i Yesus, “Asulaku naria bolona rapaturuna bo tonji naria jumuna, tapi Yaku, Ana nu Manusia, ledo ria ponturoKu natantu Kupaturu.”

Markus 13:26

Bo ri tempo haitu pura-pura manusia ri dunia manggita Yaku, Ana nu Manusia, manau riara kulimu. Bo rakitara kaogeKu bo kuasaKu nipokumaaka.

Markus 14:62

Nesanamo i Yesus, <>

Markus 8:37

Ledo ria nuapa-nuapa anu namala rasulamiu ka katuvua nabelo haitu.

Lukas 19:26

Nesana madika haitu, ‘Kuuli ka komiu, isema-sema namala raparasaya ante anu nidekei ka ia, kana ratambai ka ia. Tapi isema-sema ledo namala raparasaya, anu naria sakide nte ia ralelakasi lako nte ia.

Lukas 9:26

Isema-sema maeya matana manguli ia topangoseaka Yaku bo maeya matana nte pepatudukiKu, Yaku muni maeya mataKu manguli ia topangoseaka Yaku tempo Yaku meonga lako ri suruga. Yaku, Ana nu Manusia, manau ante reme bo kuasaKu bo kuasa nTuamaKu bo malaeka-malaekaNa nagasa.

Yohanes 1:14

Ia anu niuli Tesa nu Alatala haitu najadi manusia bo nonturo ri tatanga kami ri dunia hitu. Bo nikita kami kuasaNa bo kaogeNa, haitumo kuasa bo kaoge nitarimaNa lako nte TuamaNa apa Ia AnaNa saito-itoNa. Iamo sampe nisanita mpuu Alatala bo toveNa ka kita.

Yohanes 1:51

Bo niuli i Yesus ka pura-pura ira, “Pariaramo tesaKu hitu, rakitamiu langi matebuka bo malaeka-malaeka nu Alatala manau bo mompene ri ngayoKu, Ana nu Manusia.”

Yohanes 12:34

Bo nanguli todea ka Ia, “Lako ri Buku Atura Agama, nisanita Magau Topepakasalama anu nijanji nu Alatala kana matuvu sampe ri kasae-saena. Jadi berimba sampe niuliMiu Ana nu Manusia kana mamate raanggataka pakalanga ri tinja? Isema Ana nu Manusia haitu?”

Yohanes 5:27

Bo nidekeiNa muni kuasa ka Yaku mombatangara manusia sabana Yakumo tona niuli Ana nu Manusia.

Suro-Suro 10:22

Niulira, “Kami hii nitudu Kapten Kornelius tumai. Nau ia ledo toYahudi, ia tona nanoa bo ia natundu nte Alatala bo pura-pura toYahudi nombabila ia. Naria malaeka nu Alatala nantudu ia mompokio komiu hau ri banuana ala raepena anu raulimiu ka ia.”

Suro-Suro 5:41

Suro-suro nompalaisi Polibu haitu bo nadamba mpuu rarara sabana ira nireke nu Alatala masipato mombarasai kasusa bo kapari sabana pangoseakara i Yesus.

Roma 1:16

Ledo naeya mataku nompatolele Kareba Belo. Apa Kareba Belo haitu pareva nu Alatala mompakasalama pura-pura tona anu nomparasaya i Yesus, pamula-mulana toYahudi, bo muni tona ledo toYahudi.

Galatia 6:14

Tapi yaku ledo ntoto madota mangoe ka nuapa-nuapa; yaku aga mangoeka anu nipovia nTuputa i Yesus Kristus ri kayu salib. Lako ri kamateNa haitu, nalantomo ka yaku ledo ria nuapa-nuapa riara dunia anu namala mompakanoa yaku ri panggita nu Alatala. Jadi nikabasakakumo pura-pura anu ri dunia anu nisarumakaku bara ipia, bo yaku aga nanjarumaka i Kristus.

1 Tesalonika 2:19

Naoge rara kami mosinggava nte komiu, apa ane Tuputa Yesus Kristus meonga mpanjili bo kita mosinggava ri ngayoNa, komiumo majadi asele pokarajaa kami anu nisarumaka kami. Tempo haitu madamba mpuu rara kami sabana komiu, bo masana rara kami sabana pomparasayamiu.

1 Tesalonika 3:13

Kami merapi Alatala mompakaroso raramiu ala komiu magasa bo ledo makura nuapa-nuapa ri ngayo nTuamata Alatala tempo Tuputa i Yesus makava ante pura-pura todeaNa anu nagasa.

2 Timotius 1:12

Bo yaku nombarasai pura-pura kasusa riara ntarunggu hitu sabana pokarajaaku nompatolele Kareba Belo. Tapi naupa ivesia, ledo naeya mataku, sabana niposisanikumo i Yesus anu nisarumakaku, bo nisanikumo Ia nompakule nombajagai yaku sampe ri Eo Potangara ri kaupu nu dunia.

2 Timotius 1:16

Tapi kuperapi i Pue Yesus maasi mataNa nte gi Onesiforus sambanua, sabana nadea ngganimo ia nakava nompakadamba raraku. Nau yaku nitarunggu, ledo naeya matana nanggita yaku.

2 Timotius 1:8

Jadi, nee maeya matamu motesaki Tuputa i Yesus, bo nee maeya matamu manggita yaku nitarunggu sabana pokarajaaku nompatolele Kareba i Yesus. Tapi iko kana masadia mantingayo kasusa nasimbayu mpo yaku sabana iko nompatolele Kareba Belo. Bo Alatala mombadekei kuasa ka iko mantingayo kasusa haitu.

Ibrani 11:16

Tapi ira nalentoraka ngata anu nabelopa, haitumo ngata ri suruga. Jadi Alatala ledo naeya mataNa ane Ia niuli Tupura apa naria mami ngata nipakasadiaNa ka ira.

Ibrani 11:26

Niparasayana Magau Topepakasalama anu nijanji nu Alatala makava bara maipia. Nipekirina nabelopa ia rasalai sabana pomparasayana pade manggava pura-pura kakalumana ri Mesir. Nipekirina ivesia sabana ia bate-batena nanjarumaka belo radekei nu Alatala ka ia bara maipia.

Ibrani 13:13

Sabana haitu, kita kana mesuvu hau nte Ia ri savaliku ngata, nasadia rasalai nosanggani-nggani nte Ia. Batuana, kita kana mombakabasaka anu nioseakata nggaulu bo aga momparasaya i Yesus, nau bara isema manjalai kita.

Yakobus 4:4

Komiu nasimbayu mpo topobualo apa komiu ledo natutu nangoseaka Alatala. Ledo nisanimiu? Ane rapoinota anu nipodota ntona nadaa ri dunia hitu, kita majadi bali nu Alatala. Isema-sema mompoino anu nipoino ntona nadaa ri dunia hitu, ia nompajadi karona mboto bali nu Alatala.

1 Yohanes 2:23

Isema-sema nombasapu Ana nu Alatala, nisapuna muni TuamaNa Alatala. Tapi isema-sema nomparasaya Ana nu Alatala, nitarimana muni Alatala.

1 Yohanes 2:28

Jadi sampesuvu-sampesuvu nipotoveku, kita kana maroo matuvu mosangu rara nte i Kristus ala ledo maeya matata mantingayo Ia, bo ledo maeka rarata tempo Ia makava mpanjili ri dunia.

Pompakita 14:10

tona haitu rapokarau nu Alatala bo ledo ntoto rakurangiNa pehuku ka ira! Pehuku haitu nirapaka tona nipainu panginu napai mpuu, bo ledo niposigalo ante uve! Ira pura-pura rapandasa riara apu bo vatu-vatu colonggata narega ri panggita malaeka-malaeka nagasa bo Ana Bimba.