Markus 8:22 - Kaili Ledo

²² Naupu sia, hau ira sampe nakava ri ngata Betsaida. Hamai naria tona nanggeni saito langgai naburo ka i Yesus. Ira nerapi mpuu ala i Yesus mantui mata ntoburo haitu bo mompakabelo matana.

Markus 8:22 ပူးပေါင်းရင်းမြစ်များ

Matius 11:21

NiuliNa, “Mandasa mpuumo komiu, toponturo ri ngata Korazim! Bo mandasa mpuumo komiu toponturo ri ngata Betsaida, sabana komiu ledo najea. Ane rapana kabaraka-kabaraka nipoviaKu ri ngatamiu Kupovia ri ngata Tirus bo Sidon, natantu nasaemo kajeara, nau ira ledo toYahudi. Bo natantu nasae munimo popakeara karu bo podikara sovu ri balenggara, tandana nabuku rarara bo nanjosomo nokainggu nadaa. Komiu toYahudi nanggita kabaraka-kabaraka haitu, tapi komiu ledo ntoto najea!

Matius 14:36

Niperapira nte i Yesus ala ira rapaloga nau aga mombakabe doe bajuNa. Bo pura-pura tona nanggabe bajuNa, kaliu-liu nabelo.

Matius 8:15

Jadi i Yesus nanggangisi pale nu mombine haitu bo kaliu-liu nabelomo ia. Naupu haitu nembangumo mombine haitu mombakadambanaka ira.

Matius 8:3

Nangepe haitu, i Yesus nombadika paleNa ri karo ntona haitu bo nanguli, “Madota Yaku. Mabelomo iko!” Kaliu-liu nabelomo tona haitu.

Matius 9:29

Jadi i Yesus nombatui matara bo nanguli, “Mabelomo matamiu, eva niparasayamiu majadi!”

Markus 2:3

Tempo haitu nakavamo ampa tona nombakova roara napunggu.

Markus 3:10

Nadea mpuu tona nipakabeloNa bara ipia sampe pura-pura tona nadua nosimpago nompasimbuku mompakapara nte Ia ala ira mamala manggabe Ia.

Markus 6:45

Naupu haitu, kaliu-liu nitudu i Yesusmo anaguruNa mesavi sakaya, mokolu hau ri ngata Betsaida ri sambote rano. Apa Ia da mompopanjili todea hau ri ngatara mboto.

Lukas 10:13

I Yesus nompapola tesaNa ivei: “Mandasa mpuu komiu toponturo ri ngata Korazim! Bo mandasa mpuumo komiu toponturo ri ngata Betsaida, sabana komiu ledo najea! Ane rapana kabaraka nipoviaKu ri ngatamiu, Kupovia ri ngata Tirus bo ngata Sidon natantu nasaemo kajeara, nau ira ledo toYahudi! Bo tantu nasae munimo popakeara karu bo podikara avu ri balenggara, tandana nabuku rarara bo nanjosomo nokainggu nadaa. Komiu toYahudi nikitamiu kabaraka-kabaraka haitu, tapi komiu ledo ntoto najea.

Lukas 9:10

Naupu ana-anaguru i Yesus nompatolele Kareba Belo bo nompakabelo tona nadua, nanjilimo ira. Bo pura-pura anu nipoviara hamai, nitesara ka i Yesus. Naupu haitu, ira niunaka i Yesus hau nompatani ri sangu ngata nosanga Betsaida.

Yohanes 1:44

I Filipus haitu tona lako ri ngata Betsaida, haitumo ngata ponturo i Andreas bo i Petrus.

Yohanes 12:21

Ira nakava nangulika i Filipus, “Ane mamala, kami madota mosinggava nte i Yesus.” (I Filipus haitu tona lako ri ngata Betsaida ri bagia Galilea.)