Markus 8:11 - Kaili Ledo

¹¹ Naria bara sako-ndua toFarisi nakava nosinjanai nte i Yesus ala mombaopa tesaNa. Niperapira Ia movia tanda nabaraka, haitumo tandana Ia mpuu-mpuu niposumba nu Alatala.

Markus 8:11 ပူးပေါင်းရင်းမြစ်များ

Matius 12:38

Naupu haitu bara sako-ndua guru agama bo toFarisi nanguli ka i Yesus, “Guru, kami madota manggita Komiu movia tanda nabaraka, ala rasani kami Komiu mpuu-mpuu niposumba nu Alatala.”

Matius 19:3

Bara sako-ndua toFarisi nakava nte i Yesus mangelo saba nte Ia. Nekutana ira, “Berimba panggavaMiu? Nangoseaka Atura-atura agamata, mamala langgai mogaaka bereina mombine ante sambara tanje?”

Matius 21:23

I Yesus nesua riara doyata Banua nu Alatala bo nompaguru. Da ranja nompaguru Ia, nakavamo balengga-balengga ntopanggeni pesomba bo totua-totua ntoYahudi. Ira madota mangelo saba, jadi nipekutanara nte i Yesus, “Ante kuasa nuapa nipoviaMiu pura-pura haitu ri Banua nu Alatala? Isema nombadekei kuasa haitu ka Komiu?”

Matius 22:15

Naupu haitu bara sako-ndua toFarisi nasiromu notesaki anu rapoviara ala mamala raopara i Yesus motesa.

Matius 22:18

Tapi nisani i Yesusmo patujura nadaa. Haitu sampe niuliNa, “Komiu tobelo ri sumba! Nakuya komiu nompasimbuku mombaopa tesaKu?

Matius 22:23

Eo haitu muni naria bara sako-ndua toSaduki nakava netingu nte i Yesus. ToSaduki nomparasaya tona namate ledo matuvu mpanjili bara maipia.

Markus 12:15

Paraluu kita mombayari atau ledo?>> Tapi nisani i Yesus patujura nombaopa tesaNa. Jadi nanguli Ia, <>

Markus 2:16

Tempo guru-guru agama anu nangoseaka pepatuduki ntoFarisi nanggita i Yesus nangande nosanggani-nggani ante topesingara balasitee bo tona nadosa, niulikara anaguru i Yesus, <>

Markus 9:16

Nekutanamo i Yesus, <>

Lukas 10:25

Naria saito guru agama ntoYahudi neangga ri sia. Ia madota mombaopa tesa i Yesus. Jadi nekutana ia, “Guru, nuapa masipato kupovia ala yaku mamala matuvu sampe ri kasae-saena?”

Lukas 11:16

Naria muni tona madota mombaopa tesa i Yesus. Jadi niperapira tanda nabaraka rapopakitaNa ka ira, ala rasanira Ia mpuu-mpuu niposumba nu Alatala.

Yohanes 4:48

Nangepe haitu, nanguli i Yesus ka ia, “Komiu todea, ane ledo rakitamiu tanda-tanda nipokumaaka bo kabaraka-kabaraka, ledo ntoto raparasayamiu.”

Yohanes 6:30

Bo nanguli vaimo ira, “Ane ivesia, tanda nuapa rapoviaMiu ala rakita kami bo raparasaya kami Komiu? Povia nuapa rapoviaMiu?

Yohanes 7:48

Peintamo! Ledo ntoto ria pakeni agama atau toFarisi nomparasaya Ia!

Yohanes 8:6

Patuju nu pompekutanara haitu mombatoliani tesa i Yesus ala mamala rapakasalara Ia. Tapi i Yesus ledo notingo. Ia aga notungga notulisi tana ante koya-mpaleNa.

Suro-Suro 5:9

Nanguli i Petrus ka ia, “Nakuya iko bo bereimu i Ananias nasintuvu nombabagiu Nosa Gasa nu Alatala? Epemo! Tona nombatana bereimu, dako nanjili lako ri dayo. Iko muni rakenira hau ratana ri savalikuna!”

1 Korintus 10:9

Nee kita mangopa rau nTupu mpo anu nipovia roara ntanina sampe ira namate niteo nu ule!