Markus 7:7 - Kaili Ledo

⁷ Ledo ntoto ria gunana ira mombasomba Yaku sabana pepatuduki nipepatudukikara niulira atura-aturaKu tano aga ada-ada nu manusia.> Yesaya 29:13

Markus 7:7 ပူးပေါင်းရင်းမြစ်များ

Matius 15:9

Ledo ntoto ria gunana ira mombasomba Yaku sabana pepatuduki anu nipepatudukikara niulira Atura-aturaKu, tano aga ada-ada nu manusia.’ ” Yesaya 29:13

Matius 6:7

Bo ane komiu mosambaya, nee mompakandoe posambayamiu bo mombasili-sili tesa eva kabiasa ntona ledo nosisani nte Alatala. Nisarumakara ane posambayara mandoe, Alatala kana mompetalingai ira.

1 Korintus 15:14

Bo ane i Kristus ledo nipakatuvu mpanjili, ledo ntoto ria gunana kami nompatolele Kareba Belo, bo ledo muni naria gunana pomparasayamiu.

1 Korintus 15:58

Jadi sampesuvu-sampesuvu nipotoveku, pakaroso pomparasayamiu bo nee molengga-lengga. Pasimbuku ante mpuu-mpuu raramiu mantui pokarajaa nidekei i Pue Yesus ka komiu, apa nisanimiu ledo ria nuapa-nuapa anu ledo ria gunana rapoviamiu ka Ia. Natantu kana maria aselena.

Kolose 2:22

Atura-atura ivehaitu ledo ria gunana ka kita sabana atura haitu aga notesa kandea bo anu nipake sampalai bo nalipo. Kakanana atura-atura haitu aga nopuna lako ri parenta-parenta bo pepatuduki manusia.

Titus 3:9

Tapi naria muni tona aga nosibali-balika anu ledo ria gunana, bo notesaki sunju muli nu muli ntotua nggaulu anu nikarara mboto. Ira aga nosinjanai bo nosinggarau ka atura-atura agama. Petalilikamo potesa-tesa ivehaitu, apa ledo ntoto naria gunana bo ledo nanggeni belo.

Yakobus 1:26

Isema-sema nanguli iamo tona naroso poagamana, bo ledo nijagaina tesana, ia nombabagiu karona mboto. Agamana ledo naria gunana.

Yakobus 2:20

Nadoyo mpuu komiu ane raulimiu naganamo momparasaya bayangi, ledo paraluu mokainggu nabelo! Ledo ria gunana pomparasaya ivehaitu.

Pompakita 22:18

Yaku i Yohanes, nompopainga ka pura-pura topangepe tesa pombaboto nitulisi riara buku hitu ivei: Isema-sema mantambai isi tesa ri buku hitu, Alatala mantambai ka ia pepandasa-pepandasa nitesaki riara buku hitu.