Markus 7:15 - Kaili Ledo

¹⁵ Ledo ria sangaya nuapa-nuapa lako ri savalikuna mesua riara ntai manusia mamala mompakaruto ira. Tapi pokainggu nadaa anu nopuna lako riara ntai nu manusia, haitumo nompakaruto ira.

Markus 7:15 ပူးပေါင်းရင်းမြစ်များ

Matius 12:34

Komiu tano tona nadaa mpuu eva ule! Ledo ntoto nipakulemiu notesa anu nabelo, sabana nadaa mpuu raramiu! Apa tesa nisovadakata aga nangoseaka anu naria riara ntaita.

Matius 15:16

Nesana i Yesus, “Heh! Dopa muni tano nipahamiu?

Markus 7:14

Naupu sia, i Yesus nombaronde todea vai bo niulikaNa, <

Markus 7:16

Isema-sema naria talingana kana rapariarana pakabelo-belo tesaKu hitu.>>

Suro-Suro 10:28

bo niulikana ira, “Sampesuvu-sampesuvu, nisanimiu mboto, nantuntuni Atura agama Yahudi, kami toYahudi nitagi mosimporoa atau mompanjayo tona ledo toYahudi. Tapi Alatala nompakalanto ka yaku riara anu nipopakitaNa ka yaku, ledo mamala kuuli sanu manusia naruto atau ledo mamala kuporoa, sabana Alatala nantarima pura-pura manusia.

Roma 14:17

Apa anu nopoko riara Poparenta nu Alatala, ledo anu nikandeta atau niinuta. Anu nopoko, kita manoa rarata, bo matuvu mosinggabelo ante roata, bo madamba rarata sabana Nosa Gasa nu Alatala naria riara ntaita.

1 Korintus 10:25

Komiu mamala mangande mpengaya-ngaya bau nipobalu ri potomu. Ledo paraluu rapekutanamiu bau haitu bara nipesomba ka tupu-tupu ntanina. Ledo paraluu monggai-nggai raramiu nompekirika bara nasala mangande bara ledo.

Titus 1:15

Ane tona nagasa rarana, pura-pura poviana nagasa. Tapi ane tona nadaa pekirina bo ledo nomparasaya Alatala, ledo ria poviana nuapa-nuapa nagasa, sabana pekiri bo rara ntaira nadaa mami.

Ibrani 13:9

Nee sampe komiu masalandala lako ri pepatuduki nakana ante mangoseaka mpengaya-ngaya pepatuduki anu nontani lako ri pomparasayata, evamo pepatuduki atura-atura pangande. Nadea tona bara ipia nangoseaka atura-atura pangande, tapi atura haitu ledo nanggeni belo ka topangoseakana. Aginapa kita mompakaroso rarata mompekirika kabelo rara nu Alatala, apa haitumo anu nanggeni belo ka kita.

Ibrani 9:10

Atura-atura haitu aga nosinggambela ante kandea, panginu bo mpengaya ada pediu. Atura-atura haitu aga nosinggambela ante karota, ledo nosinggambela ante rara ntaita, bo atura-atura haitu aga nipake sampe makava tempona Alatala movia pojanji nabaru.